തിരുവനന്തപുരം: സംസ്ഥാനത്തെ വിദ്യാർത്ഥികൾക്കായുള്ള അറിവിന്റെ ഏറ്റവും വലിയ ഉത്സവമായി മാറിയ ചീഫ് മിനിസ്റ്റേഴ്‌സ് മെഗാ ക്വിസ് പ്രഥമ എഡിഷന്റെ ഗ്രാന്റ് ഫിനാലെ ആവേശഭരിതമായി സമാപിച്ചു. സ്കൂൾ വിഭാഗത്തിൽ തിരുവനന്തപുരം മടവൂർ എൻഎസ്എസ് ഹയർ സെക്കന്ററി സ്കൂളും കോളേജ് വിഭാഗത്തിൽ കേരള സർവകലാശാല തിരുവനന്തപുരം കാര്യവട്ടം ക്യാമ്പസും ജേതാക്കളായി.
സ്കൂൾ വിഭാഗത്തിൽ പത്തനംതിട്ട കലഞ്ഞൂർ ജിഎച്ച്എസ്എസ് & വിഎച്ച്എസ്എസ് രണ്ടാം സ്ഥാനവും വയനാട് പെരിക്കല്ലൂർ ജിഎച്ച്എസ്എസ് മൂന്നാം സ്ഥാനവും നേടി. കോളേജ് വിഭാഗത്തിൽ പാലക്കാട് ചിറ്റൂർ ഗവ. കോളേജ് രണ്ടാം സ്ഥാനവും കാര്യവട്ടം ക്യാമ്പസിന്റെ മറ്റൊരു ടീം മൂന്നാം സ്ഥാനവും കരസ്ഥമാക്കി.
എൻഎസ്എസ് മടവൂർ സ്കൂളിനെ അനന്യ പി.എസ്., നവനീത് കൃഷ്ണ യു.എസ്. എന്നിവർ പ്രതിനിധീകരിച്ചു. കോളേജ് വിഭാഗത്തിൽ ജേതാക്കളായ കാര്യവട്ടം ക്യാമ്പസ് ടീമിൽ അശ്വതി പി.എ., ശ്രീഹരി എം. എന്നിവർ അണിനിരന്നു. അനന്യ പ്ലസ് വൺ വിദ്യാർത്ഥിനിയും നവനീത് പ്ലസ് ടു വിദ്യാർത്ഥിയുമാണ്. അശ്വതി ചരിത്രത്തിൽ ബിരുദാനന്തര ബിരുദ വിദ്യാർത്ഥിനിയും ശ്രീഹരി എംകോം വിദ്യാർത്ഥിയുമാണ്.
രണ്ടാം സ്ഥാനത്തെത്തിയ കലഞ്ഞൂർ സ്കൂളിനെ പ്ലസ് വൺ വിദ്യാർത്ഥികളായ നിരജ്ഞൻ വി., അർജുൻ എസ്.കുമാർ എന്നിവർ പ്രതിനിധീകരിച്ചു. കോളേജ് വിഭാഗത്തിലെ രണ്ടാം സ്ഥാനക്കാരായ ഗവ. കോളേജ് ചിറ്റൂർ ടീമിലുണ്ടായിരുന്നത് അബ്ദുൾ സലാം എ.എൻ., അശ്വിൻ എസ്. എന്നിവരാണ്. അബ്ദുൾ സലാം ഫിലോസഫി ബിരുദാനന്തര ബിരുദ വിദ്യാർത്ഥിയും അശ്വിൻ ജോഗ്രഫി ബിരുദ വിദ്യാർത്ഥിയുമാണ്.
മൂന്നാം സ്ഥാനത്തെത്തിയ പെരിക്കല്ലൂർ സ്കൂളിനെ സഹോദരങ്ങളായ അൻസഫ് അമാൻ എ.എസ്., ആസിം ഇഷാൻ എ.എസ്. എന്നിവർ പ്രതിനിധീകരിച്ചു. കോളേജ് വിഭാഗത്തിലെ മൂന്നാം സ്ഥാനക്കാരായ കാര്യവട്ടം ക്യാമ്പസ് ടീമിൽ അഭിരാമി എസ്.ജി., അനുജിത്ത് കെ. എന്നിവർ പങ്കെടുത്തു.
സ്കൂൾ വിഭാഗത്തിൽ ഒന്നാം, രണ്ടാം, മൂന്നാം സ്ഥാനക്കാർക്ക് യഥാക്രമം അഞ്ച് ലക്ഷം, മൂന്ന് ലക്ഷം, രണ്ട് ലക്ഷം രൂപയും കോളേജ് വിഭാഗത്തിൽ മൂന്ന് ലക്ഷം, രണ്ട് ലക്ഷം, ഒരു ലക്ഷം രൂപയും ക്യാഷ് പ്രൈസായി ലഭിച്ചു. വഴുതക്കാട് ഗവ. വനിത കോളേജിൽ നടന്ന ഗ്രാന്റ് ഫിനാലെയിൽ കോളേജ് വിഭാഗത്തിൽ നിന്ന് 40 ടീമുകളും സ്കൂൾ വിഭാഗത്തിൽ നിന്ന് 41 ടീമുകളും പങ്കെടുത്തു. ജനുവരി 12ന് ആരംഭിച്ച മത്സരത്തിൽ വിവിധ ജില്ലകളിൽ നിന്ന് യോഗ്യത നേടിയ ടീമുകളാണ് ഫിനാലെയിൽ ഏറ്റുമുട്ടിയത്.
- വർക്കല ചെമ്മരുതിയിൽ ഭർത്താവ് ഭാര്യയെ കുത്തിക്കൊലപ്പെടുത്തി; ഭർത്താവ് പോലീസ് കസ്റ്റഡിയിൽ
- വർക്കലയിൽ പോക്സോ നിയമപ്രകാരം 18 കാരൻ അറസ്റ്റിൽ
- വർക്കലയിൽ പുനർവിവാഹം കഴിഞ്ഞ് പത്താം ദിവസം യുവതി മരിച്ച നിലയിൽ
കോളേജ് വിഭാഗത്തിൽ തിരുവനന്തപുരം മാർ ഇവാനിയോസ് കോളേജ് നാലാം സ്ഥാനവും കോഴിക്കോട് മലബാർ ക്രിസ്ത്യൻ കോളേജ് അഞ്ചാം സ്ഥാനവും മണ്ണുത്തി കോളേജ് ഓഫ് വെറ്ററിനറി ആൻഡ് ആനിമൽ സയൻസ് ആറാം സ്ഥാനവും നേടി. സ്കൂൾ വിഭാഗത്തിൽ വയനാട് വാളാട് ജിഎച്ച്എസ്എസ് നാലാം സ്ഥാനവും മലപ്പുറം മാറാക്കര വിവിഎം എച്ച്എസ്എസ് അഞ്ചാം സ്ഥാനവും കോഴിക്കോട് ചിങ്ങപുരം സികെജി മെമ്മോറിയൽ എച്ച്എസ്എസ് ആറാം സ്ഥാനവും നേടി.
ജേതാക്കൾ ക്യാഷ് പ്രൈസ്, മെമെന്റോ, സർട്ടിഫിക്കറ്റ് എന്നിവ മുഖ്യമന്ത്രി പിണറായി വിജയനിൽ നിന്ന് ഏറ്റുവാങ്ങി. പൊതുവിദ്യാഭ്യാസ മന്ത്രി വി. ശിവൻകുട്ടി അധ്യക്ഷനായിരുന്നു. കോളേജ് വിഭാഗത്തിലെ ക്വിസ് ജി.എസ്. പ്രദീപ് നയിച്ചപ്പോൾ സ്കൂൾ വിഭാഗത്തിൽ ഡോ. കെ.എം. വിഷ്ണു നമ്പൂതിരി, ഡോ. ആഗ്നേയ് ജി.കെ., അമിത് മധുപാൽ എന്നിവർ ക്വിസ് മാസ്റ്റർമാരായി. സംസ്ഥാനത്തെ ഏകദേശം അഞ്ചുലക്ഷം വിദ്യാർത്ഥികൾ പങ്കെടുത്ത ഈ മെഗാ ക്വിസ് സംസ്ഥാനതലത്തിൽ വലിയ സ്വീകാര്യത നേടി.
വിദ്യ നിഷേധിക്കപ്പെട്ടിടത്ത് നിന്നും എല്ലാ കുഞ്ഞുങ്ങൾക്കും നിലവാരമുള്ള വിദ്യാഭ്യാസം കിട്ടുന്ന ഇടമായി കേരളം മാറി: മുഖ്യമന്ത്രി പിണറായി വിജയൻ
വായനയ്ക്ക് വിദ്യാർത്ഥികൾക്ക് ഗ്രേസ് മാർക്ക് നൽകാൻ ആലോചനയെന്ന് പൊതുവിദ്യാഭ്യാസ മന്ത്രി
വിദ്യ നിഷേധിക്കപ്പെട്ടിടത്ത് നിന്നും എല്ലാ കുഞ്ഞുങ്ങൾക്കും നിലവാരമുള്ള വിദ്യാഭ്യാസം കിട്ടുന്ന ഇടമായി കേരളം മാറിയെന്ന് മുഖ്യമന്ത്രി പിണറായി വിജയൻ. കേരളത്തിന്റെ സാമൂഹിക, വികസന, ക്ഷേമ പ്രവർത്തനങ്ങളുടെ ചരിത്രവും വർത്തമാനവും പ്രമേയമാക്കി സംസ്ഥാന സർക്കാർ സംഘടിപ്പിച്ച ചീഫ് മിനിസ്റ്റേഴ്‌സ് മെഗാക്വിസ് ആദ്യ എഡിഷന്റെ ഗ്രാൻഡ് ഫിനാലെയും സമാപന സമ്മേളനവും സമ്മാനദാന ചടങ്ങും ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
ചരിത്രപരമായ ഒരു വലിയ മാറ്റത്തിന്റെ ഇങ്ങേയറ്റത്തെ കണ്ണികളാണ് ഇപ്പോഴത്തെ വിദ്യാർത്ഥികൾ. വിദ്യാർത്ഥികൾക്ക് ആ ചരിത്രത്തെക്കുറിച്ച് ബോധ്യമുണ്ടാകണം. നാടിനുണ്ടായ മാറ്റങ്ങൾ അവർ പഠിക്കണം. അതിൽ അസഹിഷ്ണുത പ്രകടിപ്പിക്കുന്നവരെ പ്രോത്സാഹിപ്പിക്കാൻ അനുവദിക്കരുതെന്നും മുഖ്യമന്ത്രി പറഞ്ഞു.
ഈ അധ്യയന വർഷത്തെ പാഠപുസ്തകങ്ങളുടെ വിതരണം സർക്കാർ ആരംഭിച്ചു. അധ്യയന വർഷം പകുതിയായാലും പുസ്തകങ്ങൾ ലഭ്യമല്ലാത്ത ഒരു കാലം ഇവിടെ ഉണ്ടായിരുന്നു. ആയിരത്തോളം സ്‌കൂളുകൾ അടച്ചുപൂട്ടലിന്റെ വക്കിലെത്തിയ കാലത്തുനിന്നാണ് നവീന ലാബുകളും സൗകര്യങ്ങളുമുള്ള സ്‌കൂളുകൾ എന്ന നിലയിലേക്ക് കേരളം എത്തിപ്പെട്ടത്, അദ്ദേഹം കൂട്ടിച്ചേർത്തു.
കാണാൻ കൊതിക്കുന്ന, കണ്ടാലും വീണ്ടും കാണാൻ ആഗ്രഹിക്കുന്ന നാടായി കേരളം മാറി. എന്നാൽ ദുർഗന്ധം കൊണ്ട് റോഡുകളിലൂടെ നടക്കാൻ കഴിയാത്ത കേരളം കാണാൻ അധികം പിന്നോട്ട് പോകേണ്ടി വരില്ല. മാലിന്യമുക്ത കേരളം സാധ്യമായത് ഹരിത കേരള മിഷനിലൂടെയാണ്. ആരോഗ്യ രംഗത്ത്, പ്രത്യേകിച്ച് പാലിയേറ്റീവ് രംഗത്ത് കേരളം കൈവരിച്ച നേട്ടങ്ങൾ വിദ്യാർത്ഥികൾ അറിയേണ്ടതുണ്ട്.
കേരളത്തെ അപകീർത്തിപ്പെടുത്തുക എന്ന ഗൂഢലക്ഷ്യത്തോടെ സിനിമകളെ ഉപയോഗിക്കുന്നു. എന്നാൽ യാഥാർത്ഥ്യം അതല്ലെന്ന് തിരിച്ചറിയാനും സമൂഹത്തെ അറിയിക്കാനും വിദ്യാർത്ഥികൾക്ക് കഴിയണം. അതിന് നമ്മുടെ നാടിനെയും അതിന്റെ ചരിത്രത്തെയും കുറിച്ച് വ്യക്തമായ ബോധ്യം അവർക്കുണ്ടാകണം.
കേരളത്തിന്റെ ചരിത്രത്തെയും വർത്തമാനകാല യാഥാർത്ഥ്യങ്ങളെയും കുറിച്ച് വ്യക്തമായ അറിവും കാഴ്ചപ്പാടും ഉള്ളവരാണ് നമ്മുടെ കുട്ടികൾ എന്ന് മനസിലാക്കാൻ ഈ ക്വിസ് പരിപാടിയിലൂടെ കഴിഞ്ഞതായി മുഖ്യമന്ത്രി അഭിപ്രായപ്പെട്ടു.
കേരളത്തിന്റെ അതിജീവനപോരാട്ടങ്ങളെ കുറിച്ച് വിദ്യാർത്ഥികളെ ബോധവാന്മാരാക്കാൻ ചീഫ് മിനിസ്റ്റേഴ്‌സ് മെഗാ ക്വിസിലൂടെ സാധിച്ചതായി പരിപാടിയിൽ അധ്യക്ഷത വഹിച്ച പൊതുവിദ്യാഭ്യാസ മന്ത്രി വി ശിവൻകുട്ടി പറഞ്ഞു.
ക്വിസ് മത്സരത്തിന്റെ തുടർച്ചയായി വായനക്ക് വിദ്യാർത്ഥികൾക്ക് ഗ്രേസ് മാർക്ക് നൽകാൻ സർക്കാർ ആലോചിക്കുന്നതായി പൊതുവിദ്യാഭ്യാസ മന്ത്രി അറിയിച്ചു. അടുത്ത അധ്യയന വർഷം മുതൽ ഇത് നടപ്പിലാക്കും.
തിരുവനന്തപുരം ഗവ. വനിത കോളേജ് ഓഡിറ്റോറിയത്തിൽ നടന്ന ചടങ്ങിൽ ജില്ലാ പഞ്ചായത്ത് പ്രസിഡന്റ് വി പ്രിയദർശിനി, പൊതുവിദ്യാഭ്യാസ വകുപ്പ് സെക്രട്ടറി ഡോ. കെ വാസുകി, ഇൻഫർമേഷൻ പബ്ലിക് റിലേഷൻസ് വകുപ്പ് സ്‌പെഷ്യൽ സെക്രട്ടറി ടി വി സുഭാഷ്, പൊതുവിദ്യാഭ്യാസ വകുപ്പ് ഡയറക്ടർ എൻ എസ് കെ ഉമേഷ്, കോളേജിയേറ്റ് എജ്യുക്കേഷൻ ഡയറക്ടർ കെ സുധീർ എന്നിവർ സംസാരിച്ചു. ഇൻഫർമേഷൻ പബ്ലിക് റിലേഷൻസ് വകുപ്പ് അഡീഷണൽ ഡയറക്ടർ കെ ജി സന്തോഷ് നന്ദി പറഞ്ഞു.
ഇൻഫർമേഷൻ പബ്ലിക് റിലേഷൻസ് വകുപ്പ്, പൊതുവിദ്യാഭ്യാസ വകുപ്പ്, ഉന്നത വിദ്യാഭ്യാസ വകുപ്പ് എന്നിവയുടെ സംയുക്ത നേതൃത്വത്തിലാണ് പരിപാടി സംഘടിപ്പിച്ചത്.
- വർക്കല ചെമ്മരുതിയിൽ ഭർത്താവ് ഭാര്യയെ കുത്തിക്കൊലപ്പെടുത്തി; ഭർത്താവ് പോലീസ് കസ്റ്റഡിയിൽ
വർക്കല: ചെമ്മരുതി തറട്ടയിൽ കുടുംബപ്രശ്നത്തെ തുടർന്നുണ്ടായ തർക്കത്തിനിടെ ഭർത്താവ് ഭാര്യയെ കറിക്കത്തി ഉപയോഗിച്ച് കുത്തിക്കൊലപ്പെടുത്തി. തറട്ട താഴെതൊടിയിൽ വീട്ടിൽ സുബിന (30) ആണ് … - വർക്കലയിൽ പോക്സോ നിയമപ്രകാരം 18 കാരൻ അറസ്റ്റിൽ
വർക്കല: പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി ലൈംഗികമായി ഉപദ്രവിച്ച കേസിൽ 18കാരൻ അറസ്റ്റിൽ. വിവാഹവാഗ്ദാനം നൽകി പ്രണയം നടിച്ച് 17 വയസ്സുകാരിയെ കൂട്ടിക്കൊണ്ടുപോയി … - വർക്കലയിൽ പോക്സോ കേസിൽ പ്രതിക്ക് 95 വർഷം കഠിനതടവും 2.75 ലക്ഷം രൂപ പിഴയും
15 വയസ്സുകാരിയെ പീഡിപ്പിച്ച കേസിൽ പിഴത്തുകയിൽ രണ്ട് ലക്ഷം രൂപ അതിജീവിതയ്ക്ക് നൽകണം വർക്കല: 15 വയസ്സുകാരിയെ ബലാത്സംഗം ചെയ്ത കേസിൽ പ്രതിക്ക് … - വെട്ടിക്കൊലപ്പെടുത്താൻ ശ്രമിച്ച കേസ്: 1995 മുതൽ ഒളിവിലായിരുന്ന പ്രതി 31 വർഷത്തിനുശേഷം പിടിയിൽ
ആറ്റിങ്ങൽ: 1995-ൽ ഒരാളെ വെട്ടിക്കൊലപ്പെടുത്താൻ ശ്രമിച്ച കേസിൽ 1995 മുതൽ ഒളിവിൽ കഴിഞ്ഞിരുന്ന പ്രതിയെ ആറ്റിങ്ങൽ പോലീസ് പിടികൂടി. കരവാരം വില്ലേജിലെ തോട്ടക്കാട് … - വർക്കലയിൽ നീന്തൽ പരിശീലനത്തിനിടെ എട്ടാം ക്ലാസുകാരിക്ക് നേരെ ലൈംഗികാതിക്രമം; നീന്തൽ പരിശീലകൻ അറസ്റ്റിൽ
വർക്കല: നീന്തൽ പരിശീലനത്തിനിടെ എട്ടാം ക്ലാസ് വിദ്യാർത്ഥിനിക്ക് നേരെ ലൈംഗികാതിക്രമം നടത്തിയെന്ന പരാതിയിൽ നീന്തൽ പരിശീലകനെ അയിരൂർ പോലീസ് കസ്റ്റഡിയിലെടുത്തു. തിരുവല്ലം പുഞ്ചക്കരി … - ആശുപത്രിയിൽ യുവതിയോട് അതിക്രമം; വെട്ടുകത്തിയുമായി വീട്ടിലെത്തി വധഭീഷണി
പ്രണയാഭ്യർത്ഥന നിരസിച്ചതിന് പിന്നാലെ നിരന്തരം ശല്യം ചെയ്തതായി പരാതി; മണമ്പൂർ സ്വദേശി അറസ്റ്റിൽ കല്ലമ്പലം: പ്രണയാഭ്യർത്ഥന നിരസിച്ചതിനെത്തുടർന്ന് യുവതിയെ നിരന്തരം ശല്യം ചെയ്യുകയും … - ഗിരീഷ് കുമാറിന് ജീവപര്യന്തം; കാറ്ററിങ് തൊഴിലാളിയെ നടുറോഡിൽ മർദിച്ചുകൊന്ന കേസിൽ വിധി
തിരുവനന്തപുരം: മേലെ പഴവങ്ങാടിയിൽ കാറ്ററിങ് തൊഴിലാളിയെ നടുറോഡിൽ ക്രൂരമായി മർദിച്ചു കൊലപ്പെടുത്തിയ കേസിൽ പ്രതിക്ക് ജീവപര്യന്തം കഠിനതടവും ഒരു ലക്ഷം രൂപ പിഴയും … - ചിറയിൻകീഴിലെ 808 ഗ്രാം എംഡിഎംഎ വേട്ട: പ്രധാന പ്രതി പിടിയിൽ
വിദേശത്തുനിന്ന് ലഹരിമരുന്ന് എത്തിച്ച് വിൽപ്പന നടത്തിയിരുന്നതായി പോലീസ്; പിടിയിലായത് ഷാഫിയുടെ സഹോദരീഭർത്താവ് ചിറയിൻകീഴ്: ചിറയിൻകീഴിൽ 808 ഗ്രാം എംഡിഎംഎ പിടികൂടിയ കേസിലെ പ്രധാന … - കടയ്ക്കാവൂരിൽ നിരവധി കേസുകളിലെ പ്രതിയെ വെട്ടേറ്റു മരിച്ച നിലയിൽ കണ്ടെത്തി; രണ്ടുപേർക്കായി തിരച്ചിൽ
2023ലെ കൊലപാതകക്കേസിലെ പ്രതിയാണ് കൊല്ലപ്പെട്ട ബിജുകുമാർ; കൊലപാതകം ആസൂത്രിതമെന്ന് പോലീസിന്റെ പ്രാഥമിക നിഗമനം കടയ്ക്കാവൂർ: നിരവധി ക്രിമിനൽ കേസുകളിൽ പ്രതിയായ യുവാവിനെ വെട്ടേറ്റു … - വർക്കലയിൽ വിദേശ വനിതയ്ക്ക് നേരെ ലൈംഗികാതിക്രമശ്രമമെന്ന് പരാതി; പ്രതി പിടിയിൽ
വർക്കല: ഓടയം പള്ളിക്ക് സമീപം ബ്രിട്ടീഷ് വനിതയെ ആക്രമിച്ച് ബലമായി പിടിച്ചുകൊണ്ടുപോകാൻ ശ്രമിച്ചെന്ന പരാതിയിൽ യുവാവ് അറസ്റ്റിൽ. ഓടയം സ്വദേശി ഷഹദിനെയാണ് അയിരൂർ …
