ദുരൂഹതകളുടെ ചുരുളഴിക്കാൻ ‘ക്രൈം 302’; പുതിയ ഇൻവെസ്റ്റിഗേറ്റീവ് ത്രില്ലർ പ്രദർശനത്തിന്

ഓരോ അപകടത്തിനും പിന്നിൽ ഒരു രഹസ്യം; ഓരോ രഹസ്യത്തിനും പിന്നിൽ ഒരു പ്രതികാരം!

മലയാളത്തിൽ പുതിയ ഇൻവെസ്റ്റിഗേറ്റീവ് ത്രില്ലർ ചിത്രം ‘ക്രൈം 302’ പ്രദർശനത്തിന് ഒരുങ്ങുന്നു. നിഷാ ആൻഡ് സാറാ പ്രൊഡക്ഷൻസിന്റെ ബാനറിൽ ഷാജി പുനലാലും റാഫിയ സജീറും ചേർന്നാണ് ചിത്രം നിർമിക്കുന്നത്.

പോലീസ് ഉദ്യോഗസ്ഥനായ സജീർ സൈനുദ്ദീൻ കഥയും തിരക്കഥയും സംഭാഷണവും ഒരുക്കി സംവിധാനം ചെയ്യുന്ന ചിത്രത്തിൽ മലയാളത്തിലെ പ്രമുഖ താരങ്ങൾ അണിനിരക്കുന്നു. സിദ്ദിഖ്, പാഷാണം ഷാജി, ഡ്രാക്കുള സുധീർ, ദിനേശ് പണിക്കർ, ജസീല പർവീൺ, നിധിക്കുട്ടി, ഷിഫാന, രാജൻ ഞ്ഞെക്കാട്, ദീപു നാവായിക്കുളം, ബാലരാമപുരം ശ്രീജിത്ത്, വിശ്വ, സിയാദ് തുടങ്ങിയവരാണ് പ്രധാന താരങ്ങൾ.

ജഗദീഷ് വിശ്വം, കിരൺ, സാബു അപ്പുക്കുട്ടൻ എന്നിവർ ഛായാഗ്രഹണം നിർവഹിക്കുന്നു. അലനാണ് എഡിറ്റിംഗ്. മിഥുൻ എസ്. അജയ് ചീഫ് അസോസിയേറ്റ് ഡയറക്ടറായും വിഷ്ണു വെഞ്ഞാറമൂട്, ഷംനാദ് അല്ലു എന്നിവർ കോ-ഡയറക്ടർമാരായും പ്രവർത്തിക്കുന്നു.

പ്രിൻസ് അതി, ഗൗതം എന്നിവർ അസോസിയേറ്റ് ഡയറക്ടർമാരാണ്. വൈശാഖ്, ശ്രീഹരി, നന്ദ എന്നിവർ അസിസ്റ്റന്റ് ഡയറക്ടർമാരാണ്.
റോയ് അതിമൂടനും വിശ്വ മ്യൂസിക്കും സംഗീതവിഭാഗത്തിൽ പ്രവർത്തിക്കുന്നു. സജീർ സൈനുദ്ദീനും റിയാസ് വട്ടിയൂർക്കാവുമാണ് ഗാനരചയിതാക്കൾ. ആയിഷ സജീർ, റോയ് അതിമൂടൻ, വിശ്വ മ്യൂസിക് എന്നിവർ ഗാനാലാപനവുമായി ബന്ധപ്പെട്ടിരിക്കുന്നു. ഗാനങ്ങളുടെ സംഗീതസംവിധാനവും മിക്സിംഗും വിനീത് എസ്തപ്പാൻ (മാട്രിക്സ് സ്റ്റുഡിയോസ്) നിർവഹിക്കുന്നു. സുരേഷ് കാർത്തിക്കാണ് പശ്ചാത്തലസംഗീതം.
ശങ്കർ ദാസ് വി.സി. ഓഡിയോഗ്രഫിയും ഷൈൻ ബി. ജോൺ ശബ്ദരൂപകൽപ്പനയും നിർവഹിക്കുന്നു.

സുനിൽ തിരുവല്ലമാണ് പ്രൊഡക്ഷൻ കൺട്രോളർ. മനു മലയൻകീഴ്, ശ്രീജിത്ത് കുമാരപുരം എന്നിവർ വസ്ത്രാലങ്കാരവും രാജേഷ് ചിതറ മേക്കപ്പും നിർവഹിക്കുന്നു. സഞ്ജു, മഹേഷ് എന്നിവരാണ് കലാസംവിധായകർ.നമോ പിക്ചേഴ്സാണ് ചിത്രത്തിന്റെ വിതരണക്കാർ. എ.എസ്. ദിനേശാണ് പി.ആർ.ഒ.