കാട്ടുവിള ദേവി ക്ഷേത്രത്തിൽ കൈകൊട്ടിക്കളി മത്സരവും ആകാശദീപക്കാഴ്ചയും ഇന്ന്

വർക്കല: മേൽ വെട്ടൂർ കാട്ടുവിള ദേവി ക്ഷേത്രത്തിലെ പുനപ്രതിഷ്ഠ മഹോത്സവത്തിന്റെ ഭാഗമായി ഇന്ന് (മെയ് 25 തിങ്കളാഴ്ച) കൈകൊട്ടിക്കളി മത്സരവും ആകാശദീപക്കാഴ്ചയും സംഘടിപ്പിക്കുന്നു. പുതുതായി പണിതീർത്ത ക്ഷേത്രത്തിന്റെ പുനപ്രതിഷ്ഠ കർമ്മങ്ങളുടെ സമാപന ദിവസമായ ഇന്ന് വൈകിട്ട് ആറുമുതലാണ് പരിപാടികൾ ആരംഭിക്കുക.

കാട്ടുവിള ബ്രദേഴ്‌സിൻ്റെ ആഭിമുഖ്യത്തിൽ നടക്കുന്ന കൈകൊട്ടിക്കളി മത്സരത്തിൽ വിവിധ പ്രദേശങ്ങളിൽ നിന്നുള്ള നിരവധി ടീമുകൾ പങ്കെടുക്കും. ത്രയംബക കാറാത്തല, ശ്രീഭദ്ര വീരനാട്യം ആനാട്, അർദ്ധനാരീശ്വര പാലമുക്ക് ദേശം, കൊട്ടാരക്കര, നൃത്താജ്ഞലി പരയൻവിളാകം ക്ഷേത്ര ട്രസ്റ്റ്, പ്ലാവഴികം, ഈസ്റ്റ് ചിറ്റാറ്റ് ഗേൾസ് പാളയംകുന്ന്, ശ്രീമായാഗിരി നരിക്കല്ലുമുക്ക്, ത്രിശൂല രാമന്തളി, ഓംകാര ചെറുന്നിയൂർ എന്നീ ടീമുകളാണ് മത്സരരംഗത്തിറങ്ങുന്നത്.കൈകൊട്ടിക്കളി മത്സരങ്ങൾക്ക് ശേഷം ആകാശദീപക്കാഴ്ചയും ഒരുക്കിയിട്ടുണ്ടെന്ന് ക്ഷേത്ര ഭാരവാഹികൾ അറിയിച്ചു. ക്ഷേത്ര മഹോത്സവത്തിന്റെ ഭാഗമായി വലിയ ജനപങ്കാളിത്തം പ്രതീക്ഷിക്കുന്നതായി സംഘാടകർ വ്യക്തമാക്കി.