സമന്വയ പാലിയേറ്റീവ് കെയർ സെന്ററിൽ സൗജന്യ പഠനോപകരണ വിതരണം; ഉദ്ഘാടനം ചെയ്ത് സോന നായർ

കിഴക്കനേല: പാരിപ്പള്ളി കുളമട കിഴക്കനേല സമന്വയ പാലിയേറ്റീവ് കെയർ സെന്ററിന്റെ ആഭിമുഖ്യത്തിൽ വിദ്യാർഥികൾക്കായി സംഘടിപ്പിച്ച സൗജന്യ പഠനോപകരണ വിതരണ പരിപാടി സിനിമ-സീരിയൽ താരം സോന നായർ ഉദ്ഘാടനം ചെയ്തു.

പരിപാടിയുടെ ഭാഗമായി നൂറോളം വിദ്യാർഥികൾക്ക് പഠനോപകരണങ്ങൾ സൗജന്യമായി വിതരണം ചെയ്തു. സമന്വയ സെക്രട്ടറി അനിൽ തടാലിൽ സ്വാഗതം പറഞ്ഞു. നവായിക്കുളം പഞ്ചായത്ത് പ്രസിഡന്റ് അഡ്വ. എ.ജെ. ജിഹാദ് അധ്യക്ഷത വഹിച്ചു.ട്രിനിറ്റോസ് എഡ്യൂക്കേഷൻ പ്രൈവറ്റ് ലിമിറ്റഡിന്റെ മാനേജിംഗ് ഡയറക്ടർ ഡോ. ദീപു ദേവസൂര്യയെ സമന്വയയുടെ മുഖ്യരക്ഷാധികാരി ഡോ. സുധാകരൻ ആദരിച്ചു.

പള്ളിക്കൽ പോലീസ് സ്റ്റേഷൻ എസ്.ഐ ബിജുലാൽ, നവായിക്കുളം പഞ്ചായത്ത് അംഗം ഷെറിൻ എ, സമന്വയ രക്ഷാധികാരി ഡോ. രാമചന്ദ്രൻ നായർ, ശിവഗിരി ശ്രീനാരായണ മെഡിക്കൽ മിഷൻ ആശുപത്രി അഡ്മിനിസ്ട്രേറ്റീവ് മാനേജർ എസ്. ഷാജി, പഞ്ചായത്ത് അംഗങ്ങളായ റീന ഫസൽ, റീന മംഗലത്ത്, ടി. സുഭദ്രാമ്മ എന്നിവർ ആശംസകൾ നേർന്നു.സമന്വയ ജനറൽ മാനേജർ ഷെറിൻ വി.എസ് നന്ദി രേഖപ്പെടുത്തി.