ഹരിദ്വാര്‍: കുംഭമേളയുടെ ഭാഗമായ 30 സന്യാസിമാര്‍ക്ക് കോവിഡ് സ്ഥിരീകരിച്ചു. കോവിഡ് വ്യാപനത്തിന്റെ പശ്ചാത്തലത്തില്‍ കുംഭമേളയില്‍ നിന്ന് പിന്മാറുന്നതായി 13 അഖാഡകളിലൊന്നായ നിരഞ്ജനി അറിയിച്ചു. സന്യാസിമാര്‍ക്കിടയില്‍ ആര്‍ടി-പിസിആര്‍ പരിശോധന തുടര്‍ച്ചയായി നടക്കുന്നുവെന്നും ഏപ്രില്‍ 17 മുതല്‍ പരിശോധന കൂടുതല്‍ വേഗത്തിലാക്കുമെന്നും ഹരിദ്വാര്‍ ചീഫ് മെഡിക്കല്‍ ഓഫിസര്‍ ഡോ. എസ്.കെ.ഝാ പറഞ്ഞു. അതേസമയം, താജ്മഹല്‍,ആഗ്ര ഫോര്‍ട്ട്, ഫത്തേപൂര്‍ സിക്രി എന്നിവ മേയ് 15 വരെ അടച്ചു. കോവിഡ് കണക്കിലെടുത്താണ് തീരുമാനം.
