തിരുവനന്തപുരം: കേണല്‍ എം.എസ്.നവല്‍ഗട്ടി തിരുവനന്തപുരത്തെ എക്‌സ്-സര്‍വീസ്‌മെന്‍ കോണ്‍ട്രിബ്യൂട്ടറി ഹെല്‍ത്ത് സ്‌കീം (ഇ.സി.എച്ച്.എസ്) റീജിയണല്‍ ഡയറക്ടറായി ചുമതലയേറ്റു. മറാത്ത ലൈറ്റ് ഇന്‍ഫന്‍ട്രി റെജിമെന്റ് ഓഫീസറാണ് അദ്ദേഹം. 2003 ഏപ്രില്‍ 01-നാണ് ഇ.സി.എച്ച്.എസ പ്രാബല്യത്തില്‍ വന്നത്. ഇ.സി.എച്ച്.എസ് പോളിക്ലിനിക്കുകള്‍, സേവന മെഡിക്കല്‍ സൗകര്യങ്ങള്‍, സര്‍ക്കാര്‍ ആശുപത്രികള്‍, എംപാനല്‍ ചെയ്ത സ്വകാര്യ ആശുപത്രികള്‍/നിര്‍ദ്ദിഷ്ട സര്‍ക്കാര്‍ ആശുപത്രികള്‍ എന്നിവയുടെ ശൃംഖലയിലൂടെ വിമുക്തഭട പെന്‍ഷന്‍കാര്‍ക്കും അവരുടെ ആശ്രിതര്‍ക്കും അലോപ്പതി, ആയുഷ് മെഡികെയര്‍ ലഭ്യമാക്കുകയാണ് ഈ പദ്ധതി ലക്ഷ്യമിടുന്നത്.
റീജിയണല്‍ സെന്റര്‍ അതിന്റെ കീഴിലുള്ള പോളിക്ലിനിക്കുകളുടെ പ്രവര്‍ത്തനത്തിന് മേല്‍നോട്ടം വഹിക്കുന്നു, എംപാനല്‍ ചെയ്ത ആശുപത്രികള്‍ ഗുണഭോക്താക്കളുടെ ക്ലെയിമുകളും ചികിത്സയും കൈകാര്യം ചെയ്യുന്നു, കൂടാതെ മേഖലയിലെ ഇ.സി.എച്ച്.എസിന്റെ സെന്‍ട്രല്‍ ഓര്‍ഗനൈസേഷന്‍ പ്രതിനിധിയായി പ്രവര്‍ത്തിക്കുന്നു. കേരളത്തില്‍ രണ്ട് പ്രാദേശിക കേന്ദ്രങ്ങളുണ്ട്, തിരുവനന്തപുരവും കൊച്ചിയും. സംസ്ഥാനത്തിലെ അഞ്ച് ജില്ലകളില്‍ നിന്നും തമിഴ്നാട്ടിലെ മൂന്ന് ജില്ലകളില്‍ നിന്നുമായി 12 പോളിക്ലിനിക്കുകള്‍ തിരുവനന്തപുരം റീജിയണല്‍ സെന്ററിന് കീഴിലുണ്ട്. വിമുക്തഭടന്മാരുടെയും അവരുടെ ആശ്രിതരുടെയും ചികിത്സയ്ക്കായി ഈ റീജിയണല്‍ സെന്റര്‍ 70-ഓളം ആശുപത്രികള്‍ എംപാനല്‍ ചെയ്തിട്ടുണ്ട്. തിരുവനന്തപുരം പാങ്ങോട് സൈനിക കേന്ദ്രത്തിലാണ് ഇ.സി.എച്ച്.എസ് റീജിയണല്‍ സെന്റര്‍ പ്രവര്‍ത്തിക്കുന്നത്.
