മത്സ്യത്തൊഴിലാളി കോൺഗ്രസ് കുറ്റവിചാരണ പദയാത്ര വർക്കലയിൽ

വർക്കല: കേന്ദ്ര-സംസ്ഥാന ഭരണങ്ങളുടെ ജനവിരുദ്ധ നയങ്ങൾക്കെതിരെയും ആഗോള തട്ടിപ്പ് സംഘങ്ങളുടെ പ്രവർത്തനങ്ങൾക്കെതിരെയും മത്സ്യത്തൊഴിലാളി കോൺഗ്രസ് സംസ്ഥാന കമ്മിറ്റിയുടെ നേതൃത്വത്തിൽ സംസ്ഥാനത്തെ 50 നിയോജകമണ്ഡലങ്ങളിൽ സംഘടിപ്പിക്കുന്ന കുറ്റവിചാരണ പദയാത്രയുടെ ഭാഗമായി വർക്കല ബ്ലോക്ക് കമ്മിറ്റി വർക്കല മുതൽ അരിവാളം വരെ ജാഥ നടത്തി.

സംസ്ഥാന പ്രസിഡന്റ് ജി. ലീലകൃഷ്ണൻ ഉദ്ഘാടനം നിർവഹിച്ചു. പൂന്തുറ ജൈസൺ (ജില്ലാ പ്രസിഡന്റ്) ജാഥ ക്യാപ്റ്റനായും ഷാലിബ് വെട്ടൂർ (സംസ്ഥാന എക്സിക്യൂട്ടീവ് അംഗം, ഡി.സി.സി മെമ്പർ) വൈസ് ക്യാപ്റ്റനായും പ്രവർത്തിച്ചു. സമാപന സമ്മേളനം സംസ്ഥാന വർക്കിംഗ് പ്രസിഡന്റ് അഡ്വ. അഡോൾഫ് മൊറൈസ് ഉദ്ഘാടനം ചെയ്തു.

ഐഡി കാർഡ് വിതരണത്തിന്റെ ഉദ്ഘാടനം സംസ്ഥാന വർക്കിംഗ് പ്രസിഡന്റ് പൊഴിയൂർ ജോൺസൻ നിർവഹിച്ചു. ബ്ലോക്ക് പ്രസിഡന്റ് നൗഷാദ് തയ്യിൽ അധ്യക്ഷത വഹിച്ചു. ഡി.സി.സി വൈസ് പ്രസിഡന്റ് പി.എം. ബഷീർ, ഡി.സി.സി ജനറൽ സെക്രട്ടറി അഡ്വ. ഷാലി എന്നിവർ ആശംസകൾ നേർന്നു.

സംസ്ഥാന, ജില്ലാ, ബ്ലോക്ക് കമ്മിറ്റി അംഗങ്ങൾ, പഞ്ചായത്ത്-മുനിസിപ്പാലിറ്റി അംഗങ്ങൾ, കെ.എസ്.യു വർക്കല ബ്ലോക്ക് പ്രസിഡന്റ് ഇസ്മായിൽ, യൂത്ത് കോൺഗ്രസ് ബ്ലോക്ക് ജനറൽ സെക്രട്ടറി അരുൺ ബാബു തുടങ്ങിയവർ പങ്കെടുത്തു. ജില്ലാ കമ്മിറ്റി സെക്രട്ടറി സുമയ്യയും ജില്ലാ കമ്മിറ്റി ജനറൽ സെക്രട്ടറി സലാഹുദ്ധീനും നന്ദി രേഖപ്പെടുത്തി.