ആരോഗ്യകരമായ വാർദ്ധക്യ സന്ദേശവുമായി ഇടവയിൽ യോഗാ ദിനാചരണം

ഇടവ: ആരോഗ്യകരമായ വാർദ്ധക്യത്തിന്റെ സന്ദേശം ഉയർത്തിപ്പിടിച്ച് അന്താരാഷ്ട്ര യോഗ ദിനാചരണത്തിന്റെ ഭാഗമായി ഇടവയിൽ യോഗാ ദിനാചരണം സംഘടിപ്പിച്ചു. ഇടവ ഗ്രാമപഞ്ചായത്ത് കോൺഫറൻസ് ഹാളിൽ നടന്ന പരിപാടി ഗ്രാമപഞ്ചായത്ത് പ്രസിഡന്റ് റീതു മോഹൻ ഉദ്ഘാടനം ചെയ്തു. വൈസ് പ്രസിഡന്റ് പി.സി. ബാബു അധ്യക്ഷത വഹിച്ചു.
ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ബിനു ജി., വെൺകുളം പരമേശ്വരൻ സ്മാരക ചേതന യോഗ ക്ലബ് പ്രസിഡന്റ് ബി. രത്നാകരൻ, സെക്രട്ടറി ജെ. ശശാങ്കൻ, ഇടവ ഹോമിയോ ഡിസ്പെൻസറിയിലെ മെഡിക്കൽ ഓഫീസർ ഡോ. ഷീജ രാജൻ, ആയുർവേദ മെഡിക്കൽ അസോസിയേഷൻ ഓഫ് ഇന്ത്യ സെക്രട്ടറി ഡോ. പി. ശബരി, സീനിയർ സിറ്റിസൺ വെൽഫെയർ അസോസിയേഷൻ അംഗം എം. സുരേഷ് കുമാർ, സർവീസ് സഹകരണ ബാങ്ക് പ്രസിഡന്റ് ജി. സരസാംഗൻ എന്നിവർ ചടങ്ങിൽ പങ്കെടുത്തു.

തുടർന്ന് ഹോമിയോ ഡിസ്പെൻസറിയിലെ യോഗ ട്രെയിനർ ആർ. സുജിതയുടെയും ആയുർവേദ ഡിസ്പെൻസറിയിലെ യോഗ ട്രെയിനർ പി. വിനീതയുടെയും നേതൃത്വത്തിൽ യോഗ പ്രദർശനവും പരിശീലനവും നടന്നു.

ഇടവ ഗ്രാമപഞ്ചായത്ത്, ഇടവ ഹോമിയോ ഡിസ്പെൻസറി, ആയുർവേദ ഡിസ്പെൻസറി, വെൺകുളം പരമേശ്വരൻ സ്മാരക ചേതന യോഗ ക്ലബ് എന്നിവയുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. ചേതന യോഗ ക്ലബ് അംഗങ്ങൾക്കും ഹോമിയോ-ആയുർവേദ ഡിസ്പെൻസറികളിലെ യോഗ പരിശീലനാർഥികൾക്കും പരിപാടിയിൽ പങ്കാളികളാകാൻ അവസരമൊരുക്കി.ആരോഗ്യകരമായ ജീവിതശൈലിയും വാർദ്ധക്യവും പ്രോത്സാഹിപ്പിക്കുന്നതിൽ യോഗയുടെ പ്രാധാന്യം പരിപാടിയിൽ ചൂണ്ടിക്കാട്ടി.