വർക്കലയിൽ പോലീസ് ഓഫീസർ രാജ്യദ്രോഹ പരാമർശം നടത്തിയെന്നാരോപിച്ചു ബിജെപി പ്രതിഷേധ പ്രകടനം നടത്തി.

വർക്കല: രാജ്യദ്രോഹ പരാമർശം നടത്തിയ പോലീസ് ഓഫീസറെ സസ്പെൻഡ് ചെയ്യണമെന്ന് ആവശ്യപ്പെട്ട് ബിജെപി പ്രതിഷേധ സമരം സംഘടിപ്പിച്ചു . വർക്കല ഗവൺമെൻറ് എച്ച്എസ്എസിലെ എസ്.പി .സി വിദ്യാർത്ഥികൾക്ക് ഗാന്ധിജയന്തി ദിനത്തിൽ അയച്ച വാട്സ്ആപ്പ് സന്ദേശത്തിൽ രാജ്യദ്രോഹ പരാമർശം നടത്തി യെന്നാരോപിച്ചയിരുന്നു സമരപരിപാടി. വർക്കല പോലീസ് സ്റ്റേഷനിലെ ഇർഷാദ് എന്ന പൊലീസ് ഉദ്യോഗസ്ഥനെതിരെയാണ് ആരോപണം. ഗാന്ധിജിയെ വധിച്ചവരാണ് രാജ്യം ഭരിക്കുന്നതെന്നും , പാർലമെൻറ്റിനെ അവഹേളിച്ചും സന്ദേശം അയച്ചു എന്നാണ് ബിജെപിയുടെ ആരോപണം. വർക്കല റെയിൽവേ സ്റ്റേഷനിൽ നിന്നും ആരംഭിച്ച പ്രതിഷേധ ജാഥ മൈതാനം ജംഗ്ഷനിൽ എത്തിയ ശേഷം നടന്ന പൊതുയോഗത്തിൽ ബിജെപി മണ്ഡലം പ്രസിഡണ്ട് സജി പി മുല്ലനെല്ലൂർ അധ്യക്ഷതവഹിച്ചു. യുവമോർച്ച സംസ്ഥാന വൈസ് പ്രസിഡണ്ട് ബീ അജേഷ് യോഗം ഉദ്ഘാടനം ചെയ്തു. മണ്ഡലം ജനറൽ സെക്രട്ടറി കെ സുധീർ വൈസ് പ്രസിഡന്റ് ബിജു, യുവമോർച്ച ജില്ലാ വൈസ് പ്രസിഡന്റ് അഭിജിത് അഖിൽ അനിൽ .കുമാർ, ഗോകുൽ, എന്നിവർ സംസാരിച്ചു ,ബിജെപിയും യുവമോർച്ചയും സംയുക്തമായി സംഘടിപ്പിച്ച പ്രതിഷേധ ജാഥയ്ക്ക് കൗൺസിലർമാരായ പി ആർ വിജി ,രാഖി ,പ്രിയ ഗോപൻ, സിന്ധു വിജയൻ, അനീഷ് ,സിന്ധു, പാർട്ടി നേതാക്കളായ എസ് കെ എം സുനിൽ, പഞ്ചവടി വിജയൻ, തുടങ്ങിയവർ നേതൃത്വം വഹിച്ചു .