ലോ കോളേജ്–പൊട്ടക്കുഴി റോഡിൽ ഇന്ന് മുതൽ ഗതാഗത നിയന്ത്രണം

തിരുവനന്തപുരം: കേരള വാട്ടർ അതോറിറ്റിയുടെ സീവറേജ് നിർമാണ പ്രവർത്തനങ്ങളുടെ ഭാഗമായി തിരുവനന്തപുരം നഗരത്തിലെ ലോ കോളേജ്–പൊട്ടക്കുഴി റോഡിൽ തിങ്കളാഴ്ച (ജൂലൈ 20) രാവിലെ 8 മണി മുതൽ ഗതാഗത നിയന്ത്രണം ഏർപ്പെടുത്തും.

സീവറേജ് നിർമ്മാണം പൂർത്തിയാകുന്നതുവരെ നിയന്ത്രണം തുടരുമെന്ന് ട്രാഫിക് നോർത്ത് സബ് ഡിവിഷൻ അസിസ്റ്റന്റ് പോലീസ് കമ്മീഷണർ അറിയിച്ചു.

നിർമാണ പ്രവർത്തനങ്ങളെത്തുടർന്ന് ലോ കോളേജ് ജംഗ്ഷൻ–കേക്കുമൂട്–പൊട്ടക്കുഴി റോഡിലൂടെയുള്ള എല്ലാ വാഹനങ്ങളുടെയും ഗതാഗതം പൂർണമായും നിരോധിച്ചിട്ടുണ്ട്.

പി.എം.ജി ഭാഗത്തുനിന്ന് പൊട്ടക്കുഴിയിലേക്ക് പോകുന്ന വാഹനങ്ങൾ പി.എം.ജി–ആനയടി ഹോസ്പിറ്റൽ ജംഗ്ഷൻ–മുളവന–പൊട്ടക്കുഴി റോഡ് വഴി തിരിച്ചുവിടും. അതേസമയം, പൊട്ടക്കുഴി ഭാഗത്തുനിന്ന് പി.എം.ജിയിലേക്ക് പോകുന്ന വാഹനങ്ങൾ പൊട്ടക്കുഴി–പട്ടം–പി.എം.ജി വഴിയാണ് സഞ്ചരിക്കേണ്ടത്.

ഗതാഗത നിയന്ത്രണവുമായി പൊതുജനങ്ങൾ സഹകരിക്കണമെന്ന് പോലീസ് അഭ്യർഥിച്ചു. കൂടുതൽ വിവരങ്ങൾക്ക് 94979 30055, 0471 2558731 എന്നീ നമ്പറുകളിൽ ബന്ധപ്പെടാവുന്നതാണ്.