തിരുവനന്തപുരം: കേരള പോലീസിന്റെ അഭിമാന പദ്ധതിയായ സ്റ്റുഡൻ്റ് പോലീസ് കേഡറ്റ് (SPC) നിരവധി രാജ്യങ്ങൾക്ക് മാതൃകയായ പദ്ധതിയാണെന്ന് സംസ്ഥാന പോലീസ് മേധാവി റവാഡ ആസാദ് ചന്ദ്രശേഖർ പറഞ്ഞു. മാനസികവും ശാരീരികവുമായ വികാസം ഉറപ്പാക്കി സാമൂഹിക സേവനത്തിന് പ്രാപ്തരായ യുവതലമുറയെ വാർത്തെടുക്കുന്നതിൽ എസ്.പി.സി പദ്ധതി വിജയകരമായ മാതൃകയാണെന്നും അദ്ദേഹം വ്യക്തമാക്കി.
എസ്.പി.സിയുടെ 16-ാം വാർഷികാഘോഷങ്ങളുടെ ഭാഗമായി പേരൂർക്കട എസ്.എ.പി ഗ്രൗണ്ടിൽ നടന്ന സെറിമോണിയൽ പരേഡിൽ അഭിവാദ്യം സ്വീകരിച്ച് സംസാരിക്കുകയായിരുന്നു അദ്ദേഹം. തുടർന്ന് കേക്ക് മുറിച്ച് സംസ്ഥാനതല എസ്.പി.സി ദിനാഘോഷം ഉദ്ഘാടനം ചെയ്തു. ചടങ്ങിന്റെ ഭാഗമായി കേഡറ്റുകൾ വർണ ബലൂണുകൾ ആകാശത്തേക്ക് പറത്തി.
ഈ വർഷം ‘തൂഫാൻ – ദി നാർക്കോ ഹണ്ട്’ എന്ന പ്രമേയത്തെ അടിസ്ഥാനമാക്കി ഓഗസ്റ്റ് 1 മുതൽ 7 വരെ സംസ്ഥാനത്തുടനീളം ‘തൂഫാൻ വാരം’ ആചരിക്കുന്നതിന്റെ ഭാഗമായി, ‘തൂഫാൻ വാരിയർ’ ബാഡ്ജുകൾ ധരിച്ചാണ് എസ്.പി.സി കേഡറ്റുകൾ പരേഡിൽ അണിനിരന്നത്. സാമ്പത്തിക കുറ്റകൃത്യവിഭാഗം ഐ.ജിയും എസ്.പി.സി സംസ്ഥാന നോഡൽ ഓഫീസറുമായ അജിത ബീഗം കേഡറ്റുകൾക്ക് ലഹരിവിരുദ്ധ പ്രതിജ്ഞ ചൊല്ലിക്കൊടുത്തു.
പരേഡിൽ മികച്ച പ്രകടനം കാഴ്ചവച്ചതിന് കട്ടേല ഡോ. അംബേദ്കർ മെമ്മോറിയൽ എം.ആർ.എസ് ഹയർ സെക്കൻഡറി സ്കൂളിലെ പ്ലാറ്റൂൺ ഒന്നാം സ്ഥാനം നേടി. പട്ടം ഗവൺമെന്റ് മോഡൽ ഹയർ സെക്കൻഡറി സ്കൂളും കോട്ടൺഹിൽ ഗവൺമെന്റ് ഗേൾസ് ഹയർ സെക്കൻഡറി സ്കൂളും യഥാക്രമം രണ്ടും മൂന്നും സ്ഥാനങ്ങൾ നേടി.
ഹോപ്പ് പദ്ധതിയുടെ മികച്ച ജില്ലയ്ക്കുള്ള അംഗീകാരം സൂപ്രണ്ട് ഓഫ് പോലീസും ജില്ലാ നോഡൽ ഓഫീസറുമായ എസ്. ഷംസുദീനും, മികച്ച അസിസ്റ്റന്റ് നോഡൽ ഓഫീസർക്കുള്ള അംഗീകാരം കോഴിക്കോട് സിറ്റി കോർഡിനേറ്റർ വി. ഫിറോസും ഏറ്റുവാങ്ങി.
മികച്ച എസ്.പി.സി ജില്ലാ നോഡൽ ഓഫീസറായി കൊല്ലം റൂറൽ ക്രൈം ബ്രാഞ്ച് സെൻട്രൽ യൂണിറ്റിലെ സൂപ്രണ്ട് ഓഫ് പോലീസ് ഷനിഹാൻ എ.ആറിനെയും, മികച്ച അസിസ്റ്റന്റ് നോഡൽ ഓഫീസറായി കൊല്ലം റൂറൽ ഡി.സി.ആർ.ബിയിലെ കെ.എസ്. വിജയകുമാറിനെയും തെരഞ്ഞെടുത്തു. ബാലവേല വിരുദ്ധ പ്രവർത്തനങ്ങളുടെ ഭാഗമായി സംഘടിപ്പിച്ച റീൽസ് മത്സരത്തിൽ കൊല്ലം കരുനാഗപ്പള്ളി ബോയ്സ് ഹയർ സെക്കൻഡറി സ്കൂളിലെ മാസ്റ്റർ അസ്മിൻ മുഹമ്മദ് പുരസ്കാരം ഏറ്റുവാങ്ങി.
ചടങ്ങിൽ എ.ഡി.ജി.പി ഗുഗുലോത്ത് ലക്ഷ്മൺ, എ.ഡി.ജി.പി (ഇന്റലിജൻസ്) ദിനേന്ദ്ര കശ്യപ്, എ.ഡി.ജി.പി (ക്രൈം ബ്രാഞ്ച്) എച്ച്. വെങ്കിടേഷ്, എ.ഡി.ജി.പി (ലോ ആൻഡ് ഓർഡർ) പി. വിജയൻ, ഐ.ജി ഹർഷിത അട്ടല്ലൂരി എന്നിവരടക്കമുള്ള മുതിർന്ന പോലീസ് ഉദ്യോഗസ്ഥരും അധ്യാപകരും രക്ഷിതാക്കളും പങ്കെടുത്തു.
- വർക്കല ചെമ്മരുതിയിൽ ഭർത്താവ് ഭാര്യയെ കുത്തിക്കൊലപ്പെടുത്തി; ഭർത്താവ് പോലീസ് കസ്റ്റഡിയിൽ
വർക്കല: ചെമ്മരുതി തറട്ടയിൽ കുടുംബപ്രശ്നത്തെ തുടർന്നുണ്ടായ തർക്കത്തിനിടെ ഭർത്താവ് ഭാര്യയെ കറിക്കത്തി ഉപയോഗിച്ച് കുത്തിക്കൊലപ്പെടുത്തി. തറട്ട താഴെതൊടിയിൽ വീട്ടിൽ സുബിന (30) ആണ് കൊല്ലപ്പെട്ടത്. സംഭവത്തിൽ ഭർത്താവ് … - വർക്കലയിൽ പോക്സോ നിയമപ്രകാരം 18 കാരൻ അറസ്റ്റിൽ
വർക്കല: പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി ലൈംഗികമായി ഉപദ്രവിച്ച കേസിൽ 18കാരൻ അറസ്റ്റിൽ. വിവാഹവാഗ്ദാനം നൽകി പ്രണയം നടിച്ച് 17 വയസ്സുകാരിയെ കൂട്ടിക്കൊണ്ടുപോയി ലൈംഗികമായി ഉപദ്രവിച്ചെന്ന പരാതിയിൽ … - വർക്കലയിൽ പുനർവിവാഹം കഴിഞ്ഞ് പത്താം ദിവസം യുവതി മരിച്ച നിലയിൽ
വർക്കല: പുനർവിവാഹം കഴിഞ്ഞ് പത്താം ദിവസം യുവതിയെ വീട്ടിൽ തുങ്ങി മരിച്ച നിലയിൽ കണ്ടെത്തി. വർക്കല തച്ചോട് പൈപ്പിൻമൂട് തണലിൽ ഷാജി–ജയ ദമ്പതികളുടെ മകൾ ജിഷ (30) … - വർക്കലയിൽ പോക്സോ കേസിൽ പ്രതിക്ക് 95 വർഷം കഠിനതടവും 2.75 ലക്ഷം രൂപ പിഴയും
15 വയസ്സുകാരിയെ പീഡിപ്പിച്ച കേസിൽ പിഴത്തുകയിൽ രണ്ട് ലക്ഷം രൂപ അതിജീവിതയ്ക്ക് നൽകണം വർക്കല: 15 വയസ്സുകാരിയെ ബലാത്സംഗം ചെയ്ത കേസിൽ പ്രതിക്ക് 95 വർഷം കഠിനതടവും … - അഖിലേന്ത്യാ ട്രേഡ് ടെസ്റ്റിൽ ആറ്റിങ്ങൽ ഗവ. ഐ.ടി.ഐക്ക് മികച്ച നേട്ടം; 15 ട്രെയിനികൾക്ക് ദേശീയ, സംസ്ഥാനതല അംഗീകാരം
ആറ്റിങ്ങൽ: അഖിലേന്ത്യാ ട്രേഡ് ടെസ്റ്റ് (AITT) 2026-ൽ ദേശീയ, സംസ്ഥാന തലങ്ങളിൽ മികച്ച വിജയം നേടി ആറ്റിങ്ങൽ ഗവൺമെന്റ് ഐ.ടി.ഐയിലെ ട്രെയിനികൾ. വിജയികളെ അനുമോദിക്കുന്നതിനും സർട്ടിഫിക്കറ്റുകൾ വിതരണം …
