ഇടവയിൽ വായന കളരി സംഘടിപ്പിച്ചു

ഇടവ: പഞ്ചായത്ത് പബ്ലിക് ലൈബ്രറി ആൻഡ് റീഡിങ് റൂമിന്റെ ആഭിമുഖ്യത്തിൽ വായന കളരി സംഘടിപ്പിച്ചു. പഞ്ചായത്ത് കോൺഫറൻസ് ഹാളിൽ നടന്ന പരിപാടി ഗ്രാമപഞ്ചായത്ത് പ്രസിഡന്റ് റീതു മോഹൻ ഉദ്ഘാടനം ചെയ്തു. വൈസ് പ്രസിഡന്റ് പി.സി. ബാബു അധ്യക്ഷത വഹിച്ചു.

വർക്കല താലൂക്ക് ലൈബ്രറി കൗൺസിൽ സെക്രട്ടറി ജി.എസ്. സുനിൽ മുഖ്യപ്രഭാഷണം നടത്തി. പ്രമുഖ സാഹിത്യകാരനും പ്രഭാഷകനുമായ ജയചന്ദ്രൻ പനയറ പുസ്തക ആസ്വാദനം അവതരിപ്പിച്ചു. “കൗമാര മനസ്സിന്റെ വ്യാകുലതകളും പ്രതിവിധികളും” എന്ന വിഷയത്തിൽ പ്രമുഖ കൗൺസിലിംഗ് സൈക്കോളജിസ്റ്റ് ഹഫ്സിയ താജുദ്ദീൻ ജി കുട്ടികളുമായി സംവദിച്ചു.

പത്രപ്രവർത്തനം, ലൈബ്രറി സയൻസ്, വ്യക്തിത്വ വികസനം തുടങ്ങിയ വിഷയങ്ങളെ ആസ്പദമാക്കി ക്ലാസുകളും സംഘടിപ്പിച്ചു. വികസന സ്റ്റാൻഡിങ് കമ്മിറ്റി ചെയർപേഴ്സൺ ശൈലജ എസ്, കുടുംബശ്രീ സി.ഡി.എസ് ചെയർപേഴ്സൺ സന്ധ്യ സി.എസ്, മുൻ ഗ്രാമപഞ്ചായത്ത് വൈസ് പ്രസിഡണ്ടും വർക്കല താലൂക്ക് ലൈബ്രറി കൗൺസിൽ അംഗവുമായ ഹർഷാദ് സാബു, താലൂക്ക് ലൈബ്രറി കൗൺസിൽ വൈസ് പ്രസിഡന്റ് എസ്. ബാബു, ഗ്രാമപഞ്ചായത്ത് സെക്രട്ടറി ഗിരീഷ് ലാൽ എൻ.സി, ഗ്രാമപഞ്ചായത്ത് അംഗങ്ങൾ, ലൈബ്രേറിയൻ ജി. ബദരിനാഥ് എന്നിവർ പങ്കെടുത്തു.