ആറ്റിങ്ങലിൽ മെഗാ തൊഴിൽ മേള 25ന്; 1000-ലേറെ ഒഴിവുകൾ

ആറ്റിങ്ങൽ: മോഡൽ കരിയർ സെന്റർ – ടൗൺ എംപ്ലോയ്മെന്റ് എക്സ്ചേഞ്ച് ആറ്റിങ്ങലും കെൽട്രോൺ നോളജ് സെന്ററും സംയുക്തമായി ജൂൺ 25-ന് ആറ്റിങ്ങൽ ബോയ്സ് ഹയർ സെക്കൻഡറി സ്കൂളിൽ മെഗാ തൊഴിൽ മേള സംഘടിപ്പിക്കുന്നു. വിവിധ പ്രമുഖ സ്വകാര്യ സ്ഥാപനങ്ങളിലായി 1000-ലേറെ തൊഴിൽ അവസരങ്ങൾ മേളയിലൂടെ ലഭ്യമാകും.

Samsung Dealer, Jio Kerala, Kingster Education, More Retail, Paytm, Cleomed (Bio 360, തോന്നയ്ക്കൽ), TATA Life, SBI Life, Bharat Benz Dealer എന്നിവ ഉൾപ്പെടെ 30-ലേറെ പ്രമുഖ സ്ഥാപനങ്ങൾ തൊഴിൽ മേളയിൽ പങ്കെടുക്കും.

SSLC, പ്ലസ് ടു, ഡിഗ്രി, ഐടിഐ, ഡിപ്ലോമ ഉൾപ്പെടെ വിവിധ വിദ്യാഭ്യാസ യോഗ്യതകളുള്ള ഉദ്യോഗാർഥികൾക്ക് തൊഴിൽ മേളയിൽ പങ്കെടുക്കാം.

ജൂൺ 25-ന് രാവിലെ 9.30-നാണ് ഉദ്യോഗാർഥികൾ റിപ്പോർട്ട് ചെയ്യേണ്ടത്. ആറ്റിങ്ങൽ കെഎസ്ആർടിസി ജംഗ്ഷന് സമീപമുള്ള ബോയ്സ് ഹയർ സെക്കൻഡറി സ്കൂൾ, കോളേജ് റോഡ് ആണ് വേദി.

തൊഴിൽ മേളയിൽ പങ്കെടുക്കാൻ ഉദ്യോഗാർഥികൾ മുൻകൂട്ടി രജിസ്റ്റർ ചെയ്യേണ്ടതാണ്. രജിസ്ട്രേഷനായി താഴെ നൽകിയിരിക്കുന്ന ലിങ്ക് ഉപയോഗിക്കാം:
https://forms.gle/aWsnCRFaQkjNUyAe7⁠
കൂടുതൽ വിവരങ്ങൾക്ക് മോഡൽ കരിയർ സെന്റർ – ടൗൺ എംപ്ലോയ്മെന്റ് എക്സ്ചേഞ്ച് ആറ്റിങ്ങൽ ഓഫീസുമായി 8921941498 എന്ന നമ്പറിൽ ബന്ധപ്പെടാവുന്നതാണ്.