വർക്കലയിൽ പോളിംഗ് കേന്ദ്രങ്ങളിൽ യന്ത്ര തകരാർ; പലിടങ്ങളിലും മാറ്റിസ്ഥാപനം നടത്തി

വർക്കല : തെരഞ്ഞെടുപ്പിനിടെ വിവിധ പോളിംഗ് കേന്ദ്രങ്ങളിൽ വോട്ടിംഗ് യന്ത്രങ്ങളിൽ തകരാർ ഉണ്ടായതിനെ തുടർന്ന് അധികൃതർ അടിയന്തരമായി യന്ത്രങ്ങൾ മാറ്റിസ്ഥാപിച്ചു. ചില കേന്ദ്രങ്ങളിൽ മോക് പോളിനിടെ തകരാർ കണ്ടെത്തിയപ്പോൾ, ഒരു കേന്ദ്രത്തിൽ യഥാർത്ഥ പോളിനിടെയാണ് പ്രശ്നം ഉണ്ടായത്.

പോളിംഗ് സ്റ്റേഷൻ 6-ൽ കൺട്രോൾ യൂണിറ്റ് തകരാറിലായതിനെ തുടർന്ന് മറ്റൊരു യൂണിറ്റുമായി മാറ്റിസ്ഥാപിച്ചു. പോളിംഗ് സ്റ്റേഷൻ 7, 11, 25, 29 എന്നീ കേന്ദ്രങ്ങളിൽ VVPAT യന്ത്രങ്ങൾ തകരാറിലായതിനെ തുടർന്ന് പുതിയ യന്ത്രങ്ങൾ സ്ഥാപിച്ചു. ഇവിടങ്ങളിലെ തകരാറുകൾ മോക് പോളിനിടെ കണ്ടെത്തിയതാണെന്ന് അധികൃതർ അറിയിച്ചു. അതേസമയം, ശ്രീനിവാസപുരം എൽ പി സ്കൂളിൽ (പോളിംഗ് സ്റ്റേഷൻ 145) -ൽ VVPAT യന്ത്രം യഥാർത്ഥ വോട്ടെടുപ്പിനിടെയാണ് തകരാറിലായത്. തുടർന്ന് യന്ത്രം മാറ്റി വോട്ടെടുപ്പ് തുടരുകയായിരുന്നു.
എല്ലാ കേന്ദ്രങ്ങളിലും യന്ത്രങ്ങൾ സമയബന്ധിതമായി മാറ്റി സ്ഥാപിച്ചതിനാൽ വോട്ടെടുപ്പിന് വലിയ തടസ്സമുണ്ടായില്ലെന്നും അധികൃതർ വ്യക്തമാക്കി.