സ്വകാര്യ പണമിടപാട് സ്ഥാപനത്തില്‍ നിന്നെടുത്ത വായ്പ തിരിച്ചടക്കാൻ വൃക്ക വില്‍ക്കാൻ നിർബന്ധിച്ചതായി യുവതിയുടെ പരാതി.
ബെംഗളൂരു: സ്വകാര്യ പണമിടപാട് സ്ഥാപനത്തില്‍ നിന്നെടുത്ത വായ്പ തിരിച്ചടക്കാൻ വൃക്ക വില്‍ക്കാൻ നിർബന്ധിച്ചതായി യുവതിയുടെ പരാതി. തനിക്കൊപ്പം തൻ്റെ രണ്ട് പെണ്‍മക്കളുടെ വൃക്ക കൂടി വില്‍ക്കാൻ സംഘം നിർബന്ധിച്ചെന്ന ഗുരുതര ആരോപണവും യുവതിയുടെ പരാതിയിലുണ്ട്. രാംനഗർ ജില്ലയിലെ മഗഡി സ്വദേശിനിയായ 46കാരിയാണ് മഗഡി പോലീസ് സ്‌റ്റേഷനില്‍ ഇത് സംബന്ധിച്ച്‌ പരാതി നല്‍കിയത്. തന്റെ ഭർത്താവ് സോമേശ്വര കഴിഞ്ഞ വർഷം ഒരു സ്വകാര്യ ധനകാര്യ സ്ഥാപനത്തില്‍ നിന്ന് 1.5 ലക്ഷം രൂപ വായ്പയെടുത്തിരുന്നു. 8 മാസത്തെ തവണകള്‍ അടച്ച ശേഷം അദ്ദേഹം കോവിഡ് ബാധിച്ച്‌ മരിച്ചു. ഇതുമൂലം ധനകാര്യ സ്ഥാപനങ്ങള്‍ പണം ആവശ്യപ്പെടുക യും സമ്മർദ്ദം ചെലുത്തുകയും ചെയ്തതായി യുവതിയുടെ പരാതി യില്‍ പറയുന്നു. ഞങ്ങളുടെ ഒരു കിഡ്‌നി വിറ്റാല്‍ രണ്ടര ലക്ഷം രൂപ കിട്ടുമെന്ന് ഞങ്ങള്‍ ഏറെക്കാലമായി പരിചയമുള്ള ധനകാര്യ സ്ഥാപനത്തിന്റെ പ്രതിനിധി കൂടിയായ മഗഡി മഞ്ജുനാഥ് (40) പറഞ്ഞു.
കിട്ടുന്ന പണം കൊണ്ട് കടം വീട്ടാം. “ഒരു വൃക്ക കൊണ്ട് ഒരാള്‍ക്ക് ആരോഗ്യത്തോടെ ജീവിക്കാം” എന്നും ഇയാള്‍ പറഞ്ഞിരുന്നതായും യുവതി പരാതിയില്‍ പറയുന്നു.
അദ്ദേഹത്തിൻ്റെ മാർഗനിർദേശപ്രകാരം, ബെംഗളൂരു യശ്വന്ത്പൂരി നടുത്തുള്ള ഒരു സ്വകാര്യ ആശുപത്രിയില്‍ നിന്ന് എൻ്റെ വൃക്ക നീക്കം ചെയ്തു. എന്നാല്‍ അതില്‍ ഒന്നര ലക്ഷം രൂപ മാത്രമാണ് മഞ്ജുനാഥ് എനിക്ക് നല്‍കിയത്. ആ പണം ഞാൻ എൻ്റെ കടം വീട്ടാൻ ഉപയോഗിച്ചു. ഈ സാഹചര്യത്തിലാണ് മഞ്ജുനാഥ് വീണ്ടും പണം ആവശ്യപ്പെട്ട് പീഡിപ്പിക്കുന്നത്. പണം നല്‍കിയില്ലെങ്കില്‍ വിവാഹിതരായ 2 പെണ്‍മക്കളുടെ വൃക്കകള്‍ വിറ്റ് കടം വീട്ടാൻ നിർബന്ധിക്കുകയാണ്. ഞാൻ വിസമ്മതിച്ചപ്പോള്‍ അയാള്‍ എന്നെ ആക്രമിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തു. പരാതിയുടെ അടിസ്ഥാനത്തില്‍ മഗഡി പോലീസ് 3 ഡിവിഷനുക ളിലായി കേസെടുത്ത് അന്വേഷണം നടത്തിവരികയാണ്.
