വെഞ്ഞാറമൂട്: മഹാകവി കുമാരനാശാന്‍ വിടവാങ്ങി നൂറ് വര്‍ഷങ്ങള്‍ പൂര്‍ത്തിയായതിനോടനുബന്ധിച്ച് വെഞ്ഞാറമൂട് ജീവകലയുടെ ആഭിമുഖ്യത്തില്‍ സാഹിത്യ മത്സരങ്ങള്‍ സംഘടിപ്പിക്കുന്നു. മാര്‍ച്ച് 9,10 തീയതികളിലായി നടക്കുന്ന അനുസ്മരണ ചടങ്ങുകളുടെ ഭാഗമായാണ് കവിതാലാപനം, ലേഖനം എന്നിവയില്‍ മല്‍സരങ്ങള്‍ സംഘടിപ്പിക്കുന്നത്. യുപി, ഹൈസ്‌കൂള്‍/ഹയര്‍ സെക്കണ്ടറി, സീനിയേഴ്‌സ് എന്ന ക്രമത്തിലാണ് മത്സരങ്ങള്‍ സംഘടിപ്പിക്കുക. വിജയിക്കുന്ന ഒന്നും രണ്ടും സ്ഥാനക്കാര്‍ക്ക് ക്യാഷ് അവാര്‍ഡ് നല്‍കും. മാര്‍ച്ച് 9 ശനിയാഴ്ച രാവിലെ 10 മുതല്‍ ലേഖന മത്സരവും ഉച്ചയ്ക്ക് 1 മണി മുതല്‍ കവിതാലാപന മത്സരവും നടക്കും. മത്സരത്തില്‍ പങ്കെടുക്കാന്‍ താല്‍പര്യമുള്ളവര്‍ക്ക് ഫെബ്രുവരി 25 നകം പേരുകള്‍ രജിസ്റ്റര്‍ ചെയ്യാം. മല്‍സരത്തില്‍ പങ്കെടുക്കാനെത്തുമ്പോള്‍ വയസ് തെളിയിക്കുന്ന രേഖകള്‍ കൂടി ഹാജരാക്കണം. കൂടുതല്‍ വിവരങ്ങള്‍ക്ക് 9946555041, 9400551881 എന്നീ നമ്പരുകളില്‍ ബന്ധപ്പെടാം.
