തിരുവനന്തപുരം: ഇന്ത്യയുടെ 79-ാമത് സ്വാതന്ത്ര്യദിനം കഴക്കൂട്ടം സൈനിക് സ്‌കൂളില്‍ ആഘോഷിച്ചു. രാജ്യത്തിന്റെ സ്വാതന്ത്ര്യത്തിനുവേണ്ടി ജീവിതം സമര്‍പ്പിച്ച നമ്മുടെ ദര്‍ശനാത്മക നേതാക്കളുടെയും ധീരരായ സ്വാതന്ത്ര്യ സമര സേനാനികളുടെയും അദമ്യമായ ചൈതന്യത്തിനും ത്യാഗങ്ങള്‍ക്കും അക്ഷീണ പരിശ്രമത്തിനും ആദരാഞ്ജലി അര്‍പ്പിച്ചുകൊണ്ടാണ് ചടങ്ങ് നടന്നത്. പരേഡ് ഗ്രൗണ്ടില്‍ മുഖ്യാതിഥിയായി കഴക്കൂട്ടം സൈനിക സ്‌കൂള്‍ പ്രിന്‍സിപ്പല്‍ കേണല്‍ ധീരേന്ദ്ര കുമാറിന്റെ വരവോടെയാണ് സ്വാതന്ത്ര്യദിന പരിപാടികള്‍ ആരംഭിച്ചത്. കേഡറ്റുകള്‍ നല്‍കിയ സല്യൂട്ട് മുഖ്യാതിഥി സ്വീകരിച്ചു. കുറ്റമറ്റ അച്ചടക്കം, സമന്വയം, ഊര്‍ജ്ജസ്വലത എന്നിവയാല്‍ അടയാളപ്പെടുത്തിയ പരേഡ്, സ്‌കൂളിന്റെ ധാര്‍മ്മികതയുടെയും ചൈതന്യത്തിന്റെയും ആവേശകരമായ പ്രകടനമായിരുന്നു.
ഇന്ത്യാ ഗവണ്‍മെന്റ്ിന്റെ ‘ഹര്‍ ഘര്‍ തിരംഗ’ കാമ്പയിനിന്റെ ഭാഗമായി കാമ്പസ് ഉത്സവവും ദേശസ്‌നേഹപരവുമായ അന്തരീക്ഷത്താല്‍ നിറഞ്ഞു. ത്രിവര്‍ണ്ണ പതാകയുടെ പ്രാധാന്യത്തെക്കുറിച്ചും അത് പ്രതിനിധീകരിക്കുന്ന ആദര്‍ശങ്ങളെക്കുറിച്ചും അവബോധം പ്രചരിപ്പിക്കുന്നതില്‍ കേഡറ്റുകള്‍ സജീവമായി പങ്കെടുത്തു. ദേശീയ പതാക നേരിട്ട് കൈമാറുന്നതിനായി സ്റ്റാഫ് ക്വാര്‍ട്ടേഴ്സ് സന്ദര്‍ശിക്കുക, ശ്രമദാനത്തില്‍ (ശുചീകരണ പ്രവര്‍ത്തനങ്ങള്‍) ഏര്‍പ്പെടുക, ദേശീയതയെ അടിസ്ഥാനമാക്കിയുള്ള വര്‍ണ്ണാഭമായ അലങ്കാരങ്ങള്‍ കൊണ്ട് ക്യാമ്പസ് അലങ്കരിക്കുക എന്നിവയായിരുന്നു പരിപാടികള്‍. രംഗോലി നിര്‍മ്മാണം, തിരംഗ റാലി, ദേശീയ തിരംഗ ക്വിസ് തുടങ്ങിയ മത്സരങ്ങള്‍ ആഘോഷങ്ങളെ കൂടുതല്‍ സമ്പന്നമാക്കുകയും എല്ലാവരുടെയും ഇടയില്‍ ഐക്യത്തിന്റെയും ദേശീയ അഭിമാനത്തിന്റെയും ബോധം വര്‍ദ്ധിപ്പിക്കുകയും ചെയ്തു.’ഹര്‍ ഘര്‍ തിരംഗ’ കാമ്പെയ്നിന്റെ ഭാഗമായി കഴിഞ്ഞ ആഴ്ചയില്‍ നടത്തിയ വിവിധ പരിപാടികളിലെ വിജയികളുടെ സമ്മാന വിതരണവും ചടങ്ങില്‍ നടന്നു.
