ആറ്റിങ്ങല്‍: സ്വകാര്യ ബസ് ജീവനക്കാരന് ജി.സി.സി ബസ് കൂട്ടായ്മ കെ.എല്‍-16 ന്റെ കൈതാങ്ങ്. ആറ്റിങ്ങല്‍ വലിയകുന്ന് സ്വദേശിയായ ഉണ്ണിക്കാണ് ഒരു കൂട്ടം പ്രവാസി സ്വകാര്യ ബസ് തൊഴിലാളികളുടെ വാട്ട്‌സ് അപ്പ് കൂട്ടായ്മയായ ജി.സി.സി ബസ് കൂട്ടായ്മ കെ.എല്‍-16 ന്റെ നേതൃത്വത്തില്‍ ചികിത്സാ ധനസഹായം കൈമാറിയത്. ക്യാന്‍സര്‍ ബാധിതനായി ചികിത്സയില്‍ കഴിയുന്ന ഉണ്ണിക്ക് 25,000 രൂപയുടെ ചെക്കാണ് നല്‍കിയത്. ഇതിന് മുന്‍പ് ബസ് തൊഴിലാളികളുടെ വാട്ട്‌സ് അപ്പ് കൂട്ടായ്മയായ ജി.സി.സി ബസ് കൂട്ടായ്മ കെ.എല്‍-16 ന്റെ നേതൃത്വത്തില്‍ ഉണ്ണിക്ക് 75,000 രൂപ ധനസഹായം കൈമാറിയിരുന്നു.
വിവാഹിതനാണ് രോഗബാധിതനായ ഉണ്ണി. ഒന്നര വര്‍ഷങ്ങള്‍ക്ക് മുന്‍പാണ് ബസ് കൂട്ടായ്മ കെ.എല്‍-16 എന്ന പേരില്‍ ഇത്തരത്തില്‍ ഒരു വാട്‌സ്ആപ്പ് ഗ്രൂപ്പ് രൂപീകരിച്ചത്. ഇതിനോടകം പല കാരണങ്ങളാല്‍ ബുദ്ധിമുട്ടുന്ന നിരവധി പേര്‍ക്ക് ചെറിയ ധനസഹായങ്ങള്‍ എത്തിക്കാന്‍ ഇവര്‍ക്ക് കഴിഞ്ഞിറ്റുണ്ട്. ഇത്തരത്തില്‍ ബുദ്ധിമുട്ട് അനുഭവിക്കുന്നവര്‍ക്ക് കഴിയുന്ന സഹായങ്ങള്‍ എത്തിക്കാന്‍ വേണ്ട ഇടപെടലുകള്‍ നടത്തുമെന്ന് ഗ്രൂപ്പ് അഡ്മിന്മാര്‍ അറിയിച്ചു
