ആറ്റിങ്ങല്‍: ആറ്റിങ്ങല്‍ നഗരസഭയും പൗരാവലിയും വ്യാപാരി വ്യവസായി സംഘടനകളും സംയുക്തമായി സംഘടിപ്പിക്കുന്ന ഈ വര്‍ഷത്തെ ഓണാഘോഷത്തിനും ആറ്റിങ്ങല്‍ ഫെസ്റ്റിനും സംസ്ഥാന ടൂറിസം വാരാഘോഷത്തിനും തുടക്കമായി. ഇന്നലെ വൈകിട്ട് 6 മണിക്ക് ഓണാഘോഷ പരിപാടികളുടെ ഉദ്ഘാടനവും ദീപാലങ്കാരത്തിന്റെ സ്വിച്ച് ഓണ്‍ കര്‍മ്മവും ഒ.എസ്.അംബിക എം.എല്‍.എ നിര്‍വ്വഹിച്ചു.
വിപുലമായ പരിപാടികളാണ് ഓണാഘോഷത്തോടനുബന്ധിച്ച് നഗരസഭയുടെ ആഭിമുഖ്യത്തില്‍ സംഘടിപ്പിക്കുന്നത്. ആഗസ്റ്റ് 25 ന് വൈകുന്നേരം 3 മണിക്ക് സംഘടിപ്പിക്കുന്ന പ്രതിഭാ സംഗമം മുന്‍ ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ എം.എല്‍.എ നിര്‍വഹിക്കും. തുടര്‍ന്ന് കരോക്കെ ഗാനമേളയും മറ്റ് കലാപരിപാടികളും ഉണ്ടാകും.
ആഗസ്റ്റ് 26 ന് രാവിലെ 9 മണി മുതല്‍ മുനിസിപ്പല്‍ ജീവനക്കാരും ജനപ്രതിനിധികളും സംയുക്തമായി ഓണാഘോഷ പരിപാടികള്‍ സംഘടിപ്പിക്കും. 27 ന് രാവിലെ 7 മണിക്ക് ആറ്റിങ്ങല്‍ കോളേജ് ഗ്രൗണ്ടില്‍ കായിക മത്സരങ്ങളുടെ ഉദ്ഘാടനം ഡോ.കെ.കെ.വേണു നിര്‍വ്വഹിക്കും. വൈകുന്നേരം 6 മണിക്ക് മൂകാംബിക കലാപീഠം അവതരിപ്പിക്കുന്ന ഓണശ്രീ 2023 എന്ന പരിപാടി പ്രധാന വേദിയായ നഗരസഭ അങ്കണത്തില്‍ ആരംഭിക്കും.
28 ന് വൈകിട്ട് 5.30 മുതല്‍ കഥാപ്രസംഗവും 7 മണി മുതല്‍ ഗാനമേളയും ഉണ്ടാകും. 29 ന് രാവിലെ 10 മണി മുതല്‍ അവനവഞ്ചേരി മാമ്പഴക്കണ്ടം ഗ്രൗണ്ടില്‍ ഓണപ്പന്ത് കളി മത്സരം. വൈകിട്ട് 7 മണിക്ക് വടകര വരദ അവതരിപ്പിക്കുന്ന മക്കള്‍ക്ക് എന്ന നാടകം നഗരസഭ അങ്കണത്തില്‍ ആരംഭിക്കും.
30 ന് വൈകിട്ട് 4 ന് അവനവഞ്ചേരി ഇണ്ടിളയപ്പന്‍ ക്ഷേത്രത്തിന് സമീപം ഉറിയടി മത്സരം. 6 മണിക്ക് നാടകോത്സവം ഉദ്ഘാടനം വക്കം ഷക്കീര്‍ നിര്‍വ്വഹിക്കും. തുടര്‍ന്ന് മത്തായിയുടെ മരണം എന്ന നാടകം. 7 ന് ലൗലി ജനാര്‍ദ്ദനന്റെ ഗാനോത്സവം.
ആഗസ്റ്റ് 31 ന് വൈകുന്നേരം 7 മണിക്ക് അവനവഞ്ചേരി ഇണ്ടിളയപ്പന്‍ ക്ഷേത്ര നടയില്‍ ഗാനമേളയും അതേസമയം നഗരസഭ അങ്കണത്തില്‍ മലയാളം നാടകവേദിയുടെ നാടകം-കണ്ണുകെട്ടിക്കളി.
സെപ്തംബര്‍ 1 ന് രാവിലെ 8 മണിക്ക് ആറ്റിങ്ങല്‍ കോളേജ് ഗ്രൗണ്ടില്‍ വടംവലി മത്സരം. വൈകിട്ട് 4 മുതല്‍ അവനവഞ്ചേരി മാമ്പഴക്കണ്ടം ഗ്രൗണ്ടില്‍ വോളിബോള്‍ മത്സരം. വൈകിട്ട് 5 ന് നഗരസഭ അങ്കണത്തില്‍ ചിരി ക്ലബ് ഉദ്ഘാടനം അഡ്വ.വര്‍ക്കല ജോയി എം.എല്‍.എ നിര്‍വ്വഹിക്കും. തുടര്‍ന്ന് ജയരാജ് വാര്യര്‍ ഷോ. 6 മണിക്ക് മാജിക് ഷോ. 7 ന് നഗരസഭ അങ്കണത്തില്‍ മെഗാഷോ-ആട്ടക്കലാശം.
2 ന് വൈകുന്നേരം 6.30ന് നഗരസഭ അങ്കണത്തില്‍ നാടകം- ജീവിതം സാക്ഷി. 3 ന് വൈകിട്ട് ആറരയ്ക്ക് നഗരസഭ അങ്കണത്തില്‍ നാടകം-ഓമന തിങ്കള്‍. 4 ന് വൈകിട്ട് ആറരയ്ക്ക് നഗരസഭ അങ്കണത്തില്‍ നാടകം- മണികര്‍ണിക. 5ന് ആറരയ്ക്ക് വിളംബര മാരത്തോണ്‍ ആലംകോട് ജംഗ്ഷനില്‍നിന്ന് ആരംഭിച്ച് കച്ചേരി ജംഗ്ഷന്‍, കിഴക്കേ നാലുമുക്ക്, അവനവഞ്ചേരി, കൊച്ചാലുംമൂട് വഴി നഗരസഭയ്ക്ക് മുന്നില്‍ അവസാനിക്കും. വൈകിട്ട് 3.30ന് സാംസ്‌കാരിക ഘോഷയാത്രയും സമാപന സമ്മേളനവും ഗതാഗത വകുപ്പ് മന്ത്രി ആന്റണി രാജു ഉദ്ഘാടനം ചെയ്യും.
