വർക്കല:വർക്കല നിയോജക മണ്ഡലത്തിൽ എൽഡിഎഫ് സ്ഥാനാർഥിയായി വി. ജോയി മൂന്നാം തവണ ജനവിധി തേടുകയാണ്. 2016ലും 2021ലും നടന്ന നിയമസഭാ തെരഞ്ഞെടുപ്പുകളിൽ മികച്ച വിജയം നേടിയ അദ്ദേഹം വർക്കല മണ്ഡലത്തിൽ ശക്തമായ രാഷ്ട്രീയ സ്വാധീനം സ്ഥാപിച്ച നേതാവാണ്. കഴിഞ്ഞ പതിറ്റാണ്ടിലേറെയായി വർക്കല, ചിറയിൻകീഴ്, ആറ്റിങ്ങൽ, കിളിമാനൂർ താലൂക്കുകളിലായി പൊതുജീവിതത്തിൽ സജീവമായി പ്രവർത്തിക്കുന്ന വി. ജോയി ജനങ്ങളുമായി അടുത്ത ബന്ധം പുലർത്തുന്ന നേതാവെന്ന നിലയിൽ ശ്രദ്ധേയനാണ്. മണ്ഡലത്തിൽ ഏകദേശം 1500 കോടിയോളം രൂപയുടെ വിവിധ വികസന പ്രവർത്തനങ്ങൾ നടപ്പാക്കിയതും അദ്ദേഹത്തിന്റെ പ്രവർത്തനശൈലിയെ പ്രതിഫലിപ്പിക്കുന്നതാണ്.
തിരുവനന്തപുരം ജില്ലയിലെ തീരദേശ ഗ്രാമമായ ചിറയിൻകീഴ് പെരുങ്ങുഴി അഴൂരിൽ നിന്നാണ് വി. ജോയിയുടെ രാഷ്ട്രീയ ജീവിതം ആരംഭിക്കുന്നത്. വിദ്യാർത്ഥി പ്രസ്ഥാനങ്ങളിലൂടെ പൊതുജീവിതത്തിലേക്ക് കടന്നുവന്ന അദ്ദേഹം പിന്നീട് സിപിഐ(എം)യുടെ പ്രമുഖ നേതാക്കളിലൊരാളായി വളർന്നു. 2016ൽ വർക്കല നിയോജക മണ്ഡലത്തിൽ എൽഡിഎഫ് സ്ഥാനാർഥിയായി മത്സരിച്ച അദ്ദേഹം രണ്ടായിരത്തിലധികം വോട്ടുകളുടെ ഭൂരിപക്ഷത്തോടെ വിജയിച്ചു. 2021ലെ തെരഞ്ഞെടുപ്പിൽ പതിനെട്ടായിരത്തിലധികം വോട്ടുകളുടെ വലിയ ഭൂരിപക്ഷത്തിൽ വീണ്ടും വിജയിച്ച് മണ്ഡലം നിലനിർത്തുകയും ചെയ്തു. നിലവിൽ സിപിഐ(എം) സംസ്ഥാന കമ്മിറ്റി അംഗവും കേരള കർഷക സംഘം സംസ്ഥാന എക്സിക്യൂട്ടീവ് അംഗവുമാണ്. 2023 മുതൽ പാർട്ടിയുടെ ജില്ലാ സെക്രട്ടറിയായും പ്രവർത്തിച്ചു വരുന്നു.
വിദ്യാർത്ഥി രാഷ്ട്രീയത്തിലൂടെയാണ് വി. ജോയിയുടെ പൊതുപ്രവർത്തന ജീവിതം ആരംഭിച്ചത്. ചിറയിൻകീഴ് ശ്രീചിത്തിര വിലാസം സ്കൂളിലെ സ്കൂൾ ലീഡറായി പ്രവർത്തിച്ച അദ്ദേഹം ചെമ്പഴന്തി എസ്.എൻ കോളേജിൽ പഠിക്കുമ്പോൾ തുടർച്ചയായി രണ്ട് വർഷം യൂണിവേഴ്സിറ്റി യൂണിയൻ കൗൺസിലറായി തെരഞ്ഞെടുക്കപ്പെട്ടു. തുടർന്ന് കേരള സർവകലാശാല യൂണിയൻ എക്സിക്യൂട്ടീവ് അംഗവും സെനറ്റ് അംഗവുമായി പ്രവർത്തിച്ചു. എസ്.എഫ്.ഐ ജില്ലാ പ്രസിഡന്റായും സെക്രട്ടറിയായും പ്രവർത്തിച്ച അദ്ദേഹം പിന്നീട് ഡിവൈഎഫ്ഐ ജില്ലാ സെക്രട്ടറി, വൈസ് പ്രസിഡന്റ് എന്നീ നിലകളിലും സജീവമായി പ്രവർത്തിച്ച് യുവജന പ്രസ്ഥാനങ്ങളിൽ തന്റെ കഴിവ് തെളിയിച്ചു.
പ്രാദേശിക സ്വയംഭരണ സ്ഥാപനങ്ങളിലൂടെയും വി. ജോയി ഭരണപരിചയം നേടിയിട്ടുണ്ട്. രണ്ടുതവണ അഴൂർ പഞ്ചായത്ത് പ്രസിഡന്റായും ചിറയിൻകീഴ് ബ്ലോക്ക് പഞ്ചായത്ത് പ്രസിഡന്റായും തിരുവനന്തപുരം ജില്ലാ പഞ്ചായത്ത് അംഗമായും തെരഞ്ഞെടുക്കപ്പെട്ടിട്ടുണ്ട്. സഹകരണ മേഖലയിലും അദ്ദേഹം സജീവ സാന്നിധ്യമാണ്. പെരുങ്ങുഴി സർവീസ് സഹകരണ ബാങ്ക് പ്രസിഡന്റായും ജില്ലാ സഹകരണ ബാങ്ക് ഡയറക്ടർ ബോർഡ് അംഗമായും സംസ്ഥാന സഹകരണ ബാങ്ക് വൈസ് പ്രസിഡന്റായും പ്രവർത്തിച്ചു. കൂടാതെ കേരള പ്രൈമറി കോപ്പറേറ്റീവ് സൊസൈറ്റീസ് അസോസിയേഷൻ സംസ്ഥാന പ്രസിഡന്റായും സേവനം അനുഷ്ഠിച്ചിട്ടുണ്ട്. കുമാരനാശാൻ സ്മാരക ഗവേണിംഗ് ബോർഡ് അംഗമായും പ്രവർത്തിച്ചിട്ടുണ്ട്.
എസ്എഫ്ഐയും ഡിവൈഎഫ്ഐയും പ്രവർത്തനകാലത്ത് നിരവധി സമരങ്ങളിൽ പങ്കെടുത്ത വി. ജോയി സമരമുഖത്ത് പൊലീസിന്റെ മർദ്ദനങ്ങളും നേരിട്ടിട്ടുണ്ട്. സമരപരിചയവും ജനങ്ങളോടുള്ള അടുപ്പവുമാണ് അദ്ദേഹത്തെ ശക്തമായ ജനനേതാവായി ഉയർത്തിയത്.
അഴൂർ പെരുങ്ങുഴി സൗഹൃദത്തിൽ പരേതരായ വിജയന്റെയും ഇന്ദിരയുടെയും മകനാണ് വി. ജോയി. ബി.എ, എൽ.എൽ.ബി ബിരുദധാരിയായ അദ്ദേഹം അഭിഭാഷകനായും പ്രവർത്തിച്ചിട്ടുണ്ട്. ഭാര്യ സുനിത. മക്കൾ: ഡോ. ആര്യ (ഹോമിയോ ഡോക്ടർ), ആർഷ (ഐ.ടി എഞ്ചിനീയർ). മരുമകൻ: അരുൺ (ഐ.ടി എഞ്ചിനീയർ).
വർഷങ്ങളായുള്ള പൊതുപ്രവർത്തന പരിചയവും മണ്ഡലത്തിലെ വികസന പ്രവർത്തനങ്ങളും ഒപ്പം ജനങ്ങളുമായി നിലനിൽക്കുന്ന അടുത്ത ബന്ധവുമാണ് വി. ജോയിയെ വർക്കലയിൽ എൽഡിഎഫിന്റെ പ്രധാന രാഷ്ട്രീയ മുഖമായി ഉയർത്തുന്നത്
- വർക്കല ചെമ്മരുതിയിൽ ഭർത്താവ് ഭാര്യയെ കുത്തിക്കൊലപ്പെടുത്തി; ഭർത്താവ് പോലീസ് കസ്റ്റഡിയിൽ
വർക്കല: ചെമ്മരുതി തറട്ടയിൽ കുടുംബപ്രശ്നത്തെ തുടർന്നുണ്ടായ തർക്കത്തിനിടെ ഭർത്താവ് ഭാര്യയെ കറിക്കത്തി ഉപയോഗിച്ച് കുത്തിക്കൊലപ്പെടുത്തി. തറട്ട താഴെതൊടിയിൽ വീട്ടിൽ സുബിന (30) … - വർക്കലയിൽ പോക്സോ നിയമപ്രകാരം 18 കാരൻ അറസ്റ്റിൽ
വർക്കല: പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി ലൈംഗികമായി ഉപദ്രവിച്ച കേസിൽ 18കാരൻ അറസ്റ്റിൽ. വിവാഹവാഗ്ദാനം നൽകി പ്രണയം നടിച്ച് 17 വയസ്സുകാരിയെ … - വർക്കലയിൽ പുനർവിവാഹം കഴിഞ്ഞ് പത്താം ദിവസം യുവതി മരിച്ച നിലയിൽ
വർക്കല: പുനർവിവാഹം കഴിഞ്ഞ് പത്താം ദിവസം യുവതിയെ വീട്ടിൽ തുങ്ങി മരിച്ച നിലയിൽ കണ്ടെത്തി. വർക്കല തച്ചോട് പൈപ്പിൻമൂട് തണലിൽ ഷാജി–ജയ … - വർക്കലയിൽ പോക്സോ കേസിൽ പ്രതിക്ക് 95 വർഷം കഠിനതടവും 2.75 ലക്ഷം രൂപ പിഴയും
15 വയസ്സുകാരിയെ പീഡിപ്പിച്ച കേസിൽ പിഴത്തുകയിൽ രണ്ട് ലക്ഷം രൂപ അതിജീവിതയ്ക്ക് നൽകണം വർക്കല: 15 വയസ്സുകാരിയെ ബലാത്സംഗം ചെയ്ത കേസിൽ … - അഖിലേന്ത്യാ ട്രേഡ് ടെസ്റ്റിൽ ആറ്റിങ്ങൽ ഗവ. ഐ.ടി.ഐക്ക് മികച്ച നേട്ടം; 15 ട്രെയിനികൾക്ക് ദേശീയ, സംസ്ഥാനതല അംഗീകാരം
ആറ്റിങ്ങൽ: അഖിലേന്ത്യാ ട്രേഡ് ടെസ്റ്റ് (AITT) 2026-ൽ ദേശീയ, സംസ്ഥാന തലങ്ങളിൽ മികച്ച വിജയം നേടി ആറ്റിങ്ങൽ ഗവൺമെന്റ് ഐ.ടി.ഐയിലെ ട്രെയിനികൾ. … - എച്ച്.പി. ഷാജി ഫൗണ്ടേഷൻ്റെ രാഷ്ട്രീയ യുവപ്രതിഭാ പുരസ്‌കാരം സെയ്ദലിക്ക്
രാഷ്ട്രീയ യുവപ്രതിഭാ പുരസ്‌കാരം സമ്മാനിച്ചത് ചിറയിൻകീഴ് എം.എൽ.എ രമ്യ ഹരിദാസ് കഠിനംകുളം: എച്ച്.പി. ഷാജി ഫൗണ്ടേഷൻ ഏർപ്പെടുത്തിയ രാഷ്ട്രീയ യുവപ്രതിഭാ പുരസ്‌കാരം … - വെട്ടിക്കൊലപ്പെടുത്താൻ ശ്രമിച്ച കേസ്: 1995 മുതൽ ഒളിവിലായിരുന്ന പ്രതി 31 വർഷത്തിനുശേഷം പിടിയിൽ
ആറ്റിങ്ങൽ: 1995-ൽ ഒരാളെ വെട്ടിക്കൊലപ്പെടുത്താൻ ശ്രമിച്ച കേസിൽ 1995 മുതൽ ഒളിവിൽ കഴിഞ്ഞിരുന്ന പ്രതിയെ ആറ്റിങ്ങൽ പോലീസ് പിടികൂടി. കരവാരം വില്ലേജിലെ … - വർക്കലയിൽ സ്നേഹധാര പദ്ധതിയുടെ ഭാഗമായി സ്നേഹസംഗമം സംഘടിപ്പിച്ചു
വർക്കല: തിരുവനന്തപുരം ജില്ലാ പഞ്ചായത്തും ഭാരതീയ ചികിത്സാ വകുപ്പും സംയുക്തമായി വർക്കല ഗവൺമെന്റ് ജില്ലാ ആയുർവേദ ആശുപത്രിയിൽ നടപ്പിലാക്കിവരുന്ന സ്നേഹധാര പദ്ധതിയുടെ … - ഭിന്നശേഷിക്കാരായ കുട്ടികളുടെ സ്കോളർഷിപ്പ് കുടിശ്ശിക; നാവായിക്കുളം പഞ്ചായത്ത് കമ്മിറ്റി ബഹിഷ്കരിച്ച് എൽഡിഎഫ്
പഞ്ചായത്തിന് മുന്നിൽ ധർണ നടത്തി; കുടിശ്ശിക ഉടൻ വിതരണം ചെയ്യണമെന്ന് ആവശ്യം നാവായിക്കുളം: ഭിന്നശേഷിക്കാരായ കുട്ടികളുടെ സ്കോളർഷിപ്പ് കുടിശ്ശിക വിഷയം ചർച്ച … - സ്വർണനേട്ടത്തിലും മാറാതെ ദുരിതജീവിതം; അക്ഷയയ്ക്ക് ഇനിയും സ്വപ്നവീട് അകലെ
സംസ്ഥാന സ്കൂൾ കായികമേളയിൽ 3000 മീറ്ററിൽ സ്വർണം; രോഗങ്ങളും ദാരിദ്ര്യവും നിറഞ്ഞ കുടുംബത്തിന്റെ പ്രതീക്ഷയായി പാലക്കാട്ടുകാരി കോഴിക്കോട്: ട്രാക്കിൽ സ്വർണനേട്ടം. എന്നാൽ …
