വര്‍ക്കല: വര്‍ക്കലയിലെ ബി.ജെ.പി നേതാവ് കെ.ജി.സുരേഷ് അന്തരിച്ചു. കഴിഞ്ഞ കുറച്ചു ദിവസങ്ങളായി വര്‍ക്കലയിലെ സ്വകാര്യ ആശുപത്രിയില്‍ ചിക്തിസയിലിരിക്കെ ഇന്ന് രാവിലെ 11 മണിയോടെയായിരുന്നു അന്ത്യം. ബി.ജെ.പി വര്‍ക്കല മണ്ഡലം കമ്മിറ്റിയംഗവും കലാ-സാഹിത്യ സംഘടനയായ തപസ്യയുടെ വര്‍ക്കല താലൂക്ക് ജനറല്‍ സെക്രട്ടറിയുമാണ് കെ.ജി.സുരേഷ്. കോണ്‍ഗ്രസ് നേതാവും ഇരുപത് വര്‍ഷത്തോളം വര്‍ക്കല നഗരസഭ കൗണ്‍സിലറുമായിരുന്ന ഇദ്ദേഹം നിലവില്‍ ബി.ജെ.പിയില്‍ പ്രവര്‍ത്തിച്ചുവരികയായിരുന്നു. സംസ്‌കാര ചടങ്ങുകള്‍ നാളെ രാവിലെ 9.00ന് തച്ചന്‍കോണത്തുള്ള വീട്ടുവളപ്പില്‍ നടക്കുമെന്നാണ് ലഭിക്കുന്ന വിവരം.
