ബിജെപി സർക്കാരുമായി നിരന്തരം ഏറ്റുമുട്ടിക്കൊണ്ടിരിക്കുന്ന ശിവസേന ബിജെപിയെ പരസ്യമായി വെല്ലുവിളിച്ചു കൊണ്ട് രംഗത്ത്. ധൈര്യമുണ്ടെങ്കില്‍ മഹാരാഷ്ട്രാ സര്‍ക്കാരിനെ അട്ടിമറിക്കൂ എന്നാണ് ഉദ്ധവ് താക്കറെയുടെ വെല്ലുവിളി. ‘സംസ്ഥാന സര്‍ക്കാരിനെ മറിച്ചിടുമെന്ന ഭീഷണികള്‍ മുഖ്യമന്ത്രിയായ ദിവസം മുതല്‍ കേള്‍ക്കാന്‍ തുടങ്ങിയതാണ്. എന്നാല്‍ ഇപ്പോള്‍ ഒരു വര്‍ഷം കഴിഞ്ഞിരിക്കുന്നു. ഞാനിപ്പോള്‍ വെല്ലുവിളിക്കുകയാണ്. ധൈര്യമുണ്ടെങ്കില്‍ അത് ചെയ്തുകാണിക്കൂവെന്ന് ഉദ്ധവ് താക്കറെ പറഞ്ഞു. സംസ്ഥാനത്തെ ക്ഷേത്രങ്ങള്‍ തുറക്കാത്തത് എന്തുകൊണ്ടാണെന്ന് അവര്‍ ചോദിക്കുന്നു. ഹിന്ദുത്വം മുന്‍നിര്‍ത്തി ചോദ്യങ്ങള്‍ ഉന്നയിക്കുന്നു.
