വര്‍ക്കല ശിവഗിരി റെയില്‍വേ സ്റ്റേഷന് നവീകരണം പുരോഗമിക്കുന്നു; യാത്രക്കാര്‍ക്ക് താൽക്കാലികമായി പുതിയ കവാടം തുറന്നു
വര്‍ക്കല: അമൃത് ഭാരത് പദ്ധതിയുടെ ഭാഗമായി വര്‍ക്കല ശിവഗിരി റെയില്‍വേ സ്റ്റേഷനിൽ 133.5 കോടി രൂപയുടെ വികസന പ്രവർത്ത നങ്ങൾ പുരോഗമിക്കുന്നു. യാത്രക്കാർക്ക് ഏത് തരത്തിലും ബുദ്ധി മുട്ട് ഉണ്ടാകാതിരിക്കാനായി, സ്റ്റേഷനിൽ താൽക്കാലികമായി പുതിയ കവാടം തുറന്നുകഴിഞ്ഞു. ഒന്നാം പ്ലാറ്റ്‌ഫോമിന്റെ തെക്കേ അറ്റത്ത്, കെഎസ്ഇബി ഓഫിസിന് എതിർവശത്താണ് പ്രവേശന കവാടം ഒരുക്കിയിരിക്കുന്നത്. മേൽ നടപ്പാലത്തിനടുത്ത് സ്ഥിതി ചെയ്യുന്ന ഈ കവാടം വഴി രണ്ടാം പ്ലാറ്റ്‌ഫോമിലേക്കുള്ള പ്രവേശനം കൂടുതൽ സൗകര്യപ്രദമായിട്ടുണ്ട്.
റെയില്‍വേ സ്റ്റേഷനെ ഉന്നത നിലവാരത്തിലേക്ക് ഉയര്‍ത്തുന്ന പദ്ധതിയുടെ 45% ജോലി ഇതിനകം പൂര്‍ത്തിയായിട്ടുണ്ട്. പുതുക്കിയ പ്രധാന കെട്ടിടം മൂന്ന് ഘട്ടങ്ങളായി നിര്‍മ്മിക്കപ്പെടുന്നു. ആറ് നിലകളുള്ള ആദ്യ ഘട്ടത്തിലെ അവസാന നിലയും, രണ്ടാം ഘട്ടത്തിലെ മൂന്നാം നിലയും ഇപ്പോൾ പണിയിലായിരിക്കുന്നു.
ആധുനിക സൗകര്യങ്ങളോട് കൂടി പുതിയ സ്റ്റേഷന്
പുതിയ കെട്ടിടത്തിന്റെ മൂന്നാം ഘട്ടം ആരംഭിക്കാനായി, 51 വര്‍ഷം പഴക്കമുള്ള പഴയ സ്റ്റേഷന് മാസ്റ്റര്‍ ഓഫീസും കാത്തിരിപ്പു കേന്ദ്രവും പൊളിക്കൽ ആരംഭിച്ചു. സ്റ്റേഷന് മാസ്റ്ററുടെ ഓഫീസ് നേരത്തെ തന്നെ വടക്കേ ഭാഗത്തുള്ള കെട്ടിടത്തിന്റെ രണ്ടാം നിലയിലേക്ക് മാറ്റിയിരുന്നു.
ബുക്കിങ് ഓഫീസ്, റിസര്‍വേഷന്‍ കൗണ്ടര്‍ എന്നിവ പ്രവർത്തന ക്ഷമമായ നിലയിൽ തുടരുന്നതിന് ഇടയിലാണ് പുതിയ ആധുനിക സ്റ്റേഷന് കെട്ടിടം പണിയുന്നത്. ആറ് നിലകളുളള, വിമാനത്താവള മോഡലിൽ, 98 മീറ്റർ നീളവും 16 മീറ്റർ വീതിയുമുള്ള കെട്ടിടം സ്ഥാപിക്കുകയാണ്. പഴയ കവാടം മുതൽ തെക്കേ അറ്റത്തുള്ള നടപ്പാലം വരെയായിരിക്കും പുതിയ കെട്ടിടം വ്യാപിക്കുക.
സൗകര്യങ്ങളുടെ നീളത്തിൽ: പുതിയത് വളരെ മുന്നിൽ
പുതിയ കെട്ടിടത്തിൽ ഉൾപ്പെടുന്ന പ്രധാന സൗകര്യങ്ങൾ:
- ലിഫ്റ്റ്, എസ്‌കലേറ്റര്‍
- എസി വെയ്റ്റിംഗ് ഹാള്‍, റിട്ടയറിംഗ് റൂം
- ഡോര്‍മിറ്ററികള്‍, മീറ്റിംഗ് ഹാള്‍, ജീവനക്കാര്‍ക്കുള്ള വിശ്രമ മുറികള്‍
- പേ ആന്‍ഡ് യൂസ് ടോയ്ലറ്റുകള്‍, റാമ്പ്
- വിശാലമായ വാഹന പാര്‍ക്കിങ് ഏരിയ
- അലങ്കാര പൂന്തോട്ടം ഉൾപ്പെടെയുള്ള സൗന്ദര്യവത്കരണം
പുനര്‍വികസന ജോലികൾ 30 മാസത്തിനുള്ളിൽ പൂർത്തിയാ ക്കാനാണ് റെയിൽവേ കരാർ നൽകിയത്. എന്നാൽ, താത്കാലിക പരിമിതികളോടെയും കാര്യക്ഷമമായ പദ്ധതി നടപ്പിലാക്കലോ ടെയും, അനുദിനം വേഗത്തിൽ പ്രവർത്തനം പുരോഗമിക്കുകയാണ്.
- വർക്കല ചെമ്മരുതിയിൽ ഭർത്താവ് ഭാര്യയെ കുത്തിക്കൊലപ്പെടുത്തി; ഭർത്താവ് പോലീസ് കസ്റ്റഡിയിൽ
വർക്കല: ചെമ്മരുതി തറട്ടയിൽ കുടുംബപ്രശ്നത്തെ തുടർന്നുണ്ടായ തർക്കത്തിനിടെ ഭർത്താവ് ഭാര്യയെ കറിക്കത്തി ഉപയോഗിച്ച് കുത്തിക്കൊലപ്പെടുത്തി. തറട്ട താഴെതൊടിയിൽ വീട്ടിൽ സുബിന (30) ആണ് കൊല്ലപ്പെട്ടത്. സംഭവത്തിൽ ഭർത്താവ് ഷാജൻ (39) നെ അയിരൂർ പോലീസ് കസ്റ്റഡിയിലെടുത്തു. തിങ്കളാഴ്ച … - വർക്കലയിൽ പോക്സോ നിയമപ്രകാരം 18 കാരൻ അറസ്റ്റിൽ
വർക്കല: പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി ലൈംഗികമായി ഉപദ്രവിച്ച കേസിൽ 18കാരൻ അറസ്റ്റിൽ. വിവാഹവാഗ്ദാനം നൽകി പ്രണയം നടിച്ച് 17 വയസ്സുകാരിയെ കൂട്ടിക്കൊണ്ടുപോയി ലൈംഗികമായി ഉപദ്രവിച്ചെന്ന പരാതിയിൽ യുവാവിനെതിരെ പോലീസ് നടപടി.പാളയംകുന്ന് വണ്ടിപ്പുര സ്വദേശിയായ ചരുവിള വീട്ടിൽ … - വർക്കലയിൽ പുനർവിവാഹം കഴിഞ്ഞ് പത്താം ദിവസം യുവതി മരിച്ച നിലയിൽ
വർക്കല: പുനർവിവാഹം കഴിഞ്ഞ് പത്താം ദിവസം യുവതിയെ വീട്ടിൽ തുങ്ങി മരിച്ച നിലയിൽ കണ്ടെത്തി. വർക്കല തച്ചോട് പൈപ്പിൻമൂട് തണലിൽ ഷാജി–ജയ ദമ്പതികളുടെ മകൾ ജിഷ (30) ആണ് മരിച്ചത്. വെള്ളിയാഴ്ച രാവിലെ 11 മണിയോടെയായിരുന്നു സംഭവം.ഒക്ടോബർ … - വർക്കലയിൽ പോക്സോ കേസിൽ പ്രതിക്ക് 95 വർഷം കഠിനതടവും 2.75 ലക്ഷം രൂപ പിഴയും
15 വയസ്സുകാരിയെ പീഡിപ്പിച്ച കേസിൽ പിഴത്തുകയിൽ രണ്ട് ലക്ഷം രൂപ അതിജീവിതയ്ക്ക് നൽകണം വർക്കല: 15 വയസ്സുകാരിയെ ബലാത്സംഗം ചെയ്ത കേസിൽ പ്രതിക്ക് 95 വർഷം കഠിനതടവും 2,75,000 രൂപ പിഴയും ശിക്ഷ വിധിച്ചു. അയിരൂർ ഇലകമൺ … - അഖിലേന്ത്യാ ട്രേഡ് ടെസ്റ്റിൽ ആറ്റിങ്ങൽ ഗവ. ഐ.ടി.ഐക്ക് മികച്ച നേട്ടം; 15 ട്രെയിനികൾക്ക് ദേശീയ, സംസ്ഥാനതല അംഗീകാരം
ആറ്റിങ്ങൽ: അഖിലേന്ത്യാ ട്രേഡ് ടെസ്റ്റ് (AITT) 2026-ൽ ദേശീയ, സംസ്ഥാന തലങ്ങളിൽ മികച്ച വിജയം നേടി ആറ്റിങ്ങൽ ഗവൺമെന്റ് ഐ.ടി.ഐയിലെ ട്രെയിനികൾ. വിജയികളെ അനുമോദിക്കുന്നതിനും സർട്ടിഫിക്കറ്റുകൾ വിതരണം ചെയ്യുന്നതിനുമായി ഐ.ടി.ഐയിൽ കോൺവക്കേഷൻ സെറിമണി സംഘടിപ്പിച്ചു. ഒക്ടോബർ 30-ന് …
