പത്തനംതിട്ട: ക്ഷേത്രത്തിലേക്കുള്ള ഇല വെട്ടാനെന്ന വ്യാജേന വന്ന് വീടിനുള്ളില്‍ അതിക്രമിച്ചുകയറി പട്ടാപ്പകല്‍ വയോധികയുടെ സ്വര്‍ണവും പണവും കവര്‍ന്ന കേസില്‍ സഹോദരന്‍മാരും അയല്‍വാസിയും ഉള്‍പ്പെടെ മൂന്ന് പേരെ കൂടി പോലീസ് അറസ്റ്റുചെയ്തു . രണ്ടാം പ്രതി മലയാലപ്പുഴ പത്തിശ്ശേരി താഴം ചേറാടി ലക്ഷംവീട് കോളനിയില്‍ സിജി ഭവനില്‍ സുഗുണന്‍ എന്ന സിജു (28) ഇയാളുടെ അനുജനും മൂന്നാം പ്രതിയുമായ സുനില്‍ രാജേഷ് (25) , പ്രദേശവാസിയായ പന്തളം, തോന്നല്ലൂര്‍, ആനന്ദവിലാസം വീട്ടില്‍ എസ്.ആദര്‍ശ് (30) എന്നിവരെയാണ് അറസ്റ്റുചെയ്തത്.
ഒന്നാം പ്രതി പന്തളം തോന്നല്ലൂര്‍ ഉളമയില്‍ റാഷിക്ക് (19) നേരത്തെ അറസ്റ്റിലായിരുന്നു. കോട്ടയം, ചിറ്റാര്‍, നൂറനാട്, അടൂര്‍, ആറന്മുള, പത്തനംതിട്ട, റാന്നി-പെരുനാട് എന്നീ പോലീസ് സ്‌റ്റേഷനുകളില്‍ നിരവധി കേസുകളില്‍ പ്രതിയാണ് സിജു. വിവിധ കേസുകളില്‍ ജയില്‍ ശിക്ഷയും അനുഭവിച്ചിട്ടുണ്ട്. സുനില്‍ രാജേഷ് ജൂവനൈലില്‍ ഹോമില്‍ ജയില്‍ ശിക്ഷ അനുഭവിച്ചിട്ടുണ്ട്.
വീടിനുള്ളില്‍ കയറി റാഷിക്ക് വെള്ളംചോദിച്ചു. വെള്ളം എടുക്കാനായി വയോധിക പോയപ്പോള്‍ ഇയാള്‍ പുറത്തേക്ക് പോയി. ഈ സമയം വഴിയരികില്‍ കാവല്‍ നിന്ന അയല്‍വാസിയായ ആദര്‍ശ് കവര്‍ച്ച നടത്തി. തുടര്‍ന്ന് രണ്ടുപേരും ബൈക്കില്‍ റാന്നിയില്‍ എത്തുകയായിരുന്നു. ജയിലില്‍ വച്ചാണു റാഷിക്കും രണ്ടും മൂന്നും പ്രതികളും പരിചയപ്പെടുന്നത്. റാഷിക്ക് അറിയിച്ചതനുസരിച്ചാണ് ഇവര്‍ പന്തളത്ത് എത്തിയത്. റാന്നിയില്‍ വാടകയ്ക്ക് താമസിക്കുകയായിരുന്നു അറസ്റ്റിലായ സിജുവും സുനിലും. മോഷ്ടിച്ച സ്വര്‍ണ്ണാഭരണങ്ങള്‍ കോഴഞ്ചേരി തേക്കേമല, പത്തനംതിട്ട ആനപ്പാറ എന്നിവിടങ്ങളിലെ സ്വകാര്യ ബാങ്കുകളില്‍ പണയം വെച്ചു. ബാക്കി വന്ന സ്വര്‍ണ്ണം വാര്യായാപുരത്തെ മാര്‍വാഡിയ്ക്ക് വിറ്റതായും പോലീസ് പറഞ്ഞു.
പണയം വെച്ച ഒരു വളയും മോതിരവും തെക്കേമലയിലെ ബാങ്കില്‍ നിന്നും പോലീസ് കണ്ടെടുത്തിട്ടുണ്ട്. കഴിഞ്ഞ ചൊവ്വാഴ്ച ഉച്ചയ്ക്ക് 12ന് പന്തളം കടയ്ക്കാട് വടക്ക് പനാറയില്‍ പരേതനായ അനന്തന്‍ പിള്ളയുടെ ഭാര്യ എസ്. ശാന്തകുമാരിയുടെ വീട്ടിലാണ് കവര്‍ച്ച നടത്തിത്. നാലുപവന്‍ സ്വര്‍ണവും 8000 രൂപയുമാണ് കവര്‍ന്നത്. പ്രതിക്കളെ തെളിവെടുപ്പനായി തിങ്കളാഴ്ച വൈകുന്നേരം ശാന്തകുമാരിയുടെ വീട്ടില്‍ എത്തിച്ചു. ശാന്തകുമാരി പ്രതികളെ തിരിച്ചറിഞ്ഞു.
- ഓട്ടോറിക്ഷയുടെ മുകളിലേക്ക് തടി ലോറി മറിഞ്ഞു; ഓട്ടോ ഡ്രൈവർ മരിച്ചു, യാത്രക്കാരായ രണ്ട് പേരുടെ നില ഗുരുതരംഇവരിലൊരാൾ പിന്നീട് മരിച്ചു. ഓട്ടോ ഡ്രൈവറായ ഉതിമൂട് സ്വദേശി ഷൈജുവാണ് (38) മരിച്ചത്. …
- വയോധികയെ കെട്ടിയിട്ട് മോഷണം; അറസ്റ്റിലായത് മുൻ ഡിവൈഎഫ്ഐ പ്രവർത്തകൻപത്തനംതിട്ട: പന്തളത്ത് പട്ടാപ്പകല്‍ വയോധികയെ കെട്ടിയിട്ട് സ്വര്‍ണവും പണവും കവര്‍ന്ന കേസില്‍ പിടിയിലായ …
- വയോധികയെ കെട്ടിയിട്ട് മോഷണം, സഹോദരന്മാര്‍ ഉള്‍പ്പെടെ 3 പേര്‍ പിടിയില്പത്തനംതിട്ട: ക്ഷേത്രത്തിലേക്കുള്ള ഇല വെട്ടാനെന്ന വ്യാജേന വന്ന് വീടിനുള്ളില്‍ അതിക്രമിച്ചുകയറി പട്ടാപ്പകല്‍ വയോധികയുടെ …
- സ്വന്തം കുഞ്ഞുങ്ങളെ റോഡിൽ ഉപേക്ഷിച്ചു കാമുകനോടൊപ്പം പോയ സ്ത്രീയെ ഒളിസങ്കേതത്തിൽ നിന്ന് പോലീസ് പൊക്കി .പത്തനംതിട്ട: പത്തനംതിട്ടയിൽ മക്കളെ റോഡിൽ ഉപേക്ഷിച്ച് കാമുകനൊപ്പം പോയ യുവതിയെ പൊലീസ് അറസ്റ്റ് …
