കൂലി ചോദിച്ചതിന് വർഷോപ്പ് ഉടമയെ ചുറ്റിക കൊണ്ട് തലയ്ക്കടിച്ചു വീഴ്ത്തിയ ശേഷം ക്രൂര മർദ്ദനം

വർക്കല;കൂലി ചോദിച്ചതിന് വർഷോപ്പ് ഉടമയെ ചുറ്റിക കൊണ്ട് തലയ്ക്കടിച്ചു വീഴ്ത്തിയ ശേഷം ക്രൂര മർദ്ദനം. പാലച്ചിറ സ്വദേശിയായ സാജൻ എന്ന വർഷോപ്പ് ഉടമയ്ക്കാണ് 200 രൂപ കൂലി ചോദിച്ചതിന് ക്രൂരമായ മർദ്ദന മേൽക്കേണ്ടി വന്നത് . ഇരുചക്രവാഹനം ശരിയാക്കി നൽകിയതിന്റെ പണിക്കൂലി ആയ 200രൂപ ചോദിച്ചതിൽ പ്രകോപിതരായ രണ്ടംഗ സംഘമാണ് സാജനെ ചുറ്റിക ഉപയോഗിച്ച് തലയ്ക്കടിച്ചു വീഴ്ത്തിയ ശേഷം മുതുകത്തും വാരിയലിനും മാരകമായി വലിയ ചുറ്റികകൊണ്ട് മർദ്ദിച്ചത് . തുടർന്ന് സാജന്റെ ഇടത് കാലിലും ചുറ്റിക ഉപയോഗിച്ച് അടിക്കുകയായിരുന്നു.

പ്രതികളുടെ ആക്രമണത്തിൽ ഗുരുതരമായി പരിക്കേറ്റ വർക്ഷോപ്പ് ഉടമയെ പാരിപ്പള്ളി മെഡിക്കൽ കോളേജിലേക്ക് പ്രവേശിപ്പിച്ചു.
കാൽമുട്ടിന് ശസ്ത്രക്രിയ ആവശ്യമുണ്ടെന്ന് ഡോക്ടർമാർ അറിയിച്ചതായി സാജൻ പറഞ്ഞു. അയിരൂർ പോലീസ് സ്റ്റേഷൻ പരിധിയിലെ വെൺകുളം ജംഗ്ഷനിൽ പ്രവർത്തിക്കുന്ന ടൂവീലർ വർക്ക് ഷോപ്പിലാണ് അക്രമ സംഭവം നടന്നത്.

പ്രതികളിൽ ഒരാൾ വിദേശത്തേക്ക് കടക്കാൻ സാധ്യതയുണ്ടെന്ന് പരാതിക്കാരൻ പോലീസിനെ അറിയിച്ചിട്ടും പ്രതികളെ സംരക്ഷിക്കുന്ന നിലപാടാണ് അയിരൂർ പോലീസ് സ്വീകരികുന്നതെന്ന് പരാത്രിക്കാരൻ ആരോപിച്ചു. അയിരൂർ പോലീസിൽ നിന്നും നീതി ലഭിക്കാത്തതിനാൽ ഉന്നത പോലീസ് ഉദ്യോഗസ്ഥർക്ക് പരാതി നൽകാൻ ഒരുങ്ങുകയാണ് വർക്ക്ഷോപ്പ് ഉടമയായ സാജൻ.