ലോക രക്തദാന ദിനാചരണത്തോടനുബന്ധിച്ച് ജൂൺ 13ന് ഇൻഹൗസ് രക്തദാന ക്യാമ്പ്

തിരുവനന്തപുരം: ജില്ലയിലെ രക്തക്ഷാമം പരിഹരിക്കുന്നതിനും ലോക രക്തദാന ദിനാചരണത്തിന്റെ ഭാഗമായും Blood Donors Kerala (BDK) തിരുവനന്തപുരം ജില്ലാ യൂണിറ്റിന്റെ നേതൃത്വത്തിൽ ജൂൺ 13 ശനിയാഴ്ച രാവിലെ 9 മുതൽ ഉച്ചയ്ക്ക് 1 വരെ വിവിധ ആശുപത്രികളിലായി ഇൻഹൗസ് രക്തദാന ക്യാമ്പ് സംഘടിപ്പിക്കുന്നു.

തിരുവനന്തപുരം റീജിയണൽ കാൻസർ സെന്റർ (RCC), തിരുവനന്തപുരം മെഡിക്കൽ കോളേജ് ആശുപത്രി, കൊല്ലം മെഡിക്കൽ കോളേജ് ആശുപത്രി(ജൂൺ15 ന്) എന്നിവിടങ്ങളിലാണ് ക്യാമ്പുകൾ നടക്കുക. രക്തബാങ്കുകളിൽ നിലവിലുള്ള രക്തക്ഷാമം പരിഹരിക്കുന്നതിനും അടിയന്തര ചികിത്സ ആവശ്യമായ രോഗികൾക്ക് ആവശ്യമായ രക്തം ലഭ്യമാക്കുന്നതിനുമാണ് ക്യാമ്പ് സംഘടിപ്പിക്കുന്നതെന്ന് സംഘാടകർ അറിയിച്ചു.

ആരോഗ്യവാന്മാരായ പൊതുജനങ്ങൾ രക്തദാന ക്യാമ്പിൽ പങ്കെടുത്ത് ഈ സന്നദ്ധ സേവന പ്രവർത്തനത്തിന് പിന്തുണ നൽകണമെന്ന് Blood Donors Kerala തിരുവനന്തപുരം ജില്ലാ ഭാരവാഹികൾ അഭ്യർഥിച്ചു. രക്തദാനം ജീവൻ രക്ഷിക്കുന്ന മഹത്തായ പ്രവർത്തനമാണെന്നും കൂടുതൽ ആളുകൾ ഇതിൽ പങ്കാളികളാകണമെന്നും അവർ പറഞ്ഞു.