ബെംഗളൂരു : കോടാലി ഉപയോഗിച്ച് ഭാര്യയെ കൊലപ്പെടുത്തി യതിന് പിന്നാലെ വെട്ടിയെടുത്ത തലയുമായി ബൈക്കിൽ പോയ ഭർത്താവിനെ അറസ്റ്റ് ചെയ്‌ത്‌ പൊലീസ്. ചന്ദപുരയ്ക്കടുത്തുള്ള ഹീലാലിഗെ ഗ്രാമത്തിലാണ് സംഭവം. കാച്ചനക്കനഹള്ളി നിവാസിയായ ശങ്കറാണ് (28), ഭാര്യ ഹെബ്ബഗോഡി നിവാസിയായ മാനസയെ (26) കൊലപ്പെടുത്തിയത്. ഭാര്യക്ക് മറ്റൊരു പുരുഷനു മായി ബന്ധമുണ്ടെന്ന് ആരോപിച്ചായിരുന്നു കൊലപാതകം. രക്തത്തിൽ കുളിച്ച വസ്ത്രവുമായി ചന്ദനപുര അനേക്കൽ പ്രധാന പാതയിൽ ഒരാൾ സ്കൂട്ടറിൽ സഞ്ചരിക്കുന്നത് പെട്രോളിങ്ങിനിടെ പൊലീസിന്‍റെ ശ്രദ്ധയിൽപ്പെട്ടു.
വസ്ത്രത്തിൽ രക്തം എന്തുകൊണ്ടാണ്‌ എന്ന് ചോദിച്ചുകൊണ്ട് സ്കൂട്ടർ നിർത്താൻ ആവശ്യപ്പെട്ടു. സ്കൂട്ടർ നിർത്തിയപ്പോഴാണ് ഒരു മനുഷ്യ തല ഫുട്ബോർഡിൽ എടുത്തുവച്ചിരിക്കുന്നത് പൊലീസ് കണ്ടത്. തല തന്റെ ഭാര്യയുടേതാണെന്നും താൻ കൊന്നതാണെ ന്നും ഇയാൾ പൊലീസിനോട് സമ്മതിക്കുകയായിരുന്നു . പിന്നാലെ ഇയാളെ പൊലീസ് സ്റ്റേഷനിലേക്ക് കൊണ്ടുപോയി. സംഭവത്തിൽ കേസ് രജിസ്റ്റർ ചെയ്‌ത്‌ പൊലീസ് അന്വേഷണം ആരംഭിച്ചു.
