കല്ലമ്പലം :ദേശീയപാതയിൽ നാവായിക്കുളത്ത് വാഹനാപകടം . തിരുവനന്തപുരം ഭാഗത്തേക്ക് പോയ കാറും പാരിപ്പള്ളി ഭാഗത്തേക്ക് പോയ ബൈക്കും കൂട്ടിയിടിച്ചാണ് അപകടമുണ്ടായത് . ഇടിയുടെ ആഘാതത്താൽ ബൈക്കിൽ ഉണ്ടായിരുന്ന യുവാക്കൾ മറ്റൊരു സൂപ്പർഫാസ്റ്റ് ബസ്സിന്റെ മുൻഭാഗത്ത് തട്ടി തെറിച്ച് റോഡിൽ വീഴുകയായിരുന്നു . മണമ്പൂർ എംഎൽഎ പാലത്തിനു സമീപം പൊയ്കവിള വീട്ടിൽ ചന്തു (34) , മണമ്പൂർ എംഎൽഎ പാലത്തിനു സമീപം അരുൺ (28) എന്നിവർക്കാണ് അപകടത്തിൽ പരിക്ക് പറ്റിയത് . കാലിനു ഗുരുതര പരിക്ക് പറ്റിയ യുവാക്കളെ പാരിപ്പള്ളി മെഡിക്കൽ കോളേജിലേക്ക് എത്തിച്ചു പ്രാഥമിക ചികിത്സക്ക് ശേഷം ഇവരെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റിയെന്ന് അധികൃതർ അറിയിച്ചു.
