കരുനാഗപ്പള്ളി : ഇന്ന് യുവതലമുറ നേരിടുന്ന ഏറ്റവും വലിയ വെല്ലുവിളി ഇന്റര്‍നെറ്റിന്റെയും സമൂഹമാധ്യമങ്ങളുടെയും ദുരുപയോഗമാണെന്ന് ഐഎസ്‌ആര്‍ഒ മുന്‍ ചെയര്‍മാന്‍ ഡോ.ജി.മാധവന്‍നായര്‍. അമൃത വിശ്വവിദ്യാപീഠം അമൃതപുരി ക്യാംപസില്‍ നടത്തുന്നദേശീയ ശാസ്ത്ര സാങ്കേതിക മേള ‘വിദ്യുത് 19’ ഉദ്ഘാടനം ചെയ്യുകയായിരുന്നു. സമൂഹ മാധ്യമങ്ങളെ വിവേകപൂര്‍വം ഉപയോഗിക്കുന്നതിനായി യുവതലമുറയെ ബോധവല്‍ക്കരിക്കേണ്ടത് അത്യാവശ്യമാണ്.
ബഹിരാകാശ ഗവേഷണ രംഗത്ത് ഇന്ത്യ മറ്റു രാഷ്ട്രങ്ങളെ പിന്നിലാക്കി മുന്നേറി. ലഭ്യമാകുന്ന സൗരോര്‍ജത്തിന്റെ 20% മാത്രമാണു നമ്മള്‍ ഉപയോഗിക്കുന്നത്. സൗരോര്‍ജത്തെ സംഭരിക്കുന്നതിനു നൂതന സാങ്കേതിക വിദ്യ വികസിപ്പിച്ചെടുക്കാന്‍ കഴിഞ്ഞാല്‍ ഇന്ത്യയ്ക്കു വലിയ നേട്ടങ്ങള്‍ കൈവരിക്കാന്‍ കഴിയുമെന്നും പറഞ്ഞു. അമൃത വിശ്വ വിദ്യാപീഠം ഡീന്‍ ഡോ.ബാലകൃഷ്ണന്‍ അധ്യക്ഷനായി.
