വർക്കല: പാപനാശം ബീച്ചിൽ ഞായറാഴ്ച രാവിലെ കണ്ടെടുത്ത മൃതദേഹം വർക്കല അയന്തി പാലത്തിനുസമീപം ബീന നിവാസിൽ ബിനു.ഡി (53) യുടേതാണെന്ന് അഞ്ചുതെങ്ങ് കോസ്റ്റൽ പോലീസ് സ്ഥിരീകരിച്ചു. ഇപ്പോൾ പുത്തൻചന്തയിൽ കുടുംബത്തോ ടൊപ്പം വാടകവീട്ടിൽ താമസിച്ചുവരികയായിരുന്നു ബിനു.
ഭാര്യ ഷൈനി, മക്കൾ ആദിത്യൻ ദേവ്, അഖിൽദേവ് എന്നിവരാണ് കുടുംബാംഗങ്ങൾ. ഇന്ന് പുലർച്ചെ ഭാര്യയും മക്കളും അടുത്ത ബന്ധുവിന്റെ വിവാഹച്ചടങ്ങിൽ പങ്കെടുക്കാൻ പുറപ്പെട്ടിരുന്നു. പിന്നാലെ എത്തിക്കൊള്ളാമെന്ന് പറഞ്ഞ ബിനുവിനെ പിന്നീട് പാപനാശം ബീച്ചിൽ മരിച്ച നിലയിൽ കണ്ടെത്തുകയായിരുന്നു.
ടൂറിസം പോലീസിന്റെ നിർദ്ദേശപ്രകാരം തൊഴിലാളികൾ മൃതദേഹം കരയിലേക്ക് എത്തിച്ചു. മത്സ്യബന്ധനത്തിന് എത്തിയ തൊഴിലാളികളാണ് മൃതദേഹം ആദ്യമായി കണ്ടെത്തിയത്. ഇൻക്വസ്റ്റ് നടപടികൾ പൂർത്തിയാക്കിയ മൃതദേഹം തിരുവനന്തപുരം മെഡിക്കൽ കോളേജിലേക്ക് പോസ്റ്റ്മോർട്ടത്തി നായി മാറ്റി. അഞ്ചുതെങ്ങ് കോസ്റ്റൽ പോലീസാണ് തുടര്‍നിയമനടപടികൾ കൈകാര്യം ചെയ്യുന്നത്.
