തിരുവനന്തപുരം: കണിയാപുരം പടിഞ്ഞാറ്റുമുക്കിലെ സെന്റ് വിൻസെൻറ് ഹൈസ്കൂളിൽ ലഹരിക്കെതിരെയുള്ള പോരാട്ടത്തി ന്റെ ഭാഗമായി ജാഗ്രത സദസ്സ് സംഘടിപ്പിച്ചു. “ലഹരിവിമുക്ത വ്യക്തി, ലഹരിവിമുക്ത കുടുംബം, ലഹരിവിമുക്ത കലാലയം” എന്ന മുദ്രാവാക്യങ്ങൾ ഉയർത്തിയതോടെ ജില്ലാതലത്തിൽ വ്യാപ കമായി നടപ്പാക്കുന്ന ലഹരിവിരുദ്ധ പ്രവർത്തനങ്ങൾക്ക് ശക്തമായ പിന്തുണയായാണ് പരിപാടി മാറിയത്.
ജാഗ്രത സമിതി ചെയർമാനും KPRA പ്രസിഡന്റുമായ എം.എ. ലത്തീഫ് അധ്യക്ഷനായി. “ലഹരി വിൽപ്പന നടത്തുന്നവരെ നേരിൽ കണ്ടു, അവരെ അതിൽ നിന്ന് പിന്തിരിപ്പിക്കുകയും, ആവശ്യമെ ങ്കിൽ നിയമനടപടികൾ സ്വീകരിക്കുകയും ചെയ്യുന്നതിന് വേണ്ടി 101 അംഗ സ്പെഷ്യൽ കമ്മിറ്റി രൂപീകരിച്ചിട്ടുണ്ട്,” എം.എ. ലത്തീഫ് തന്റെ പ്രസംഗത്തിൽ വ്യക്തമാക്കി.
ആറ്റിങ്ങൽ ഡിവൈഎസ്‌പി മഞ്ജുലാൽ എസ് ജാഗ്രത സദസ്സ് ഔദ്യോഗികമായി ഉദ്‌ഘാടനം ചെയ്തു. പരിപാടിയുടെ പ്രധാന ആകർഷണമായത്, മെഡിക്കൽ എൻട്രൻസിൽ ഓൾ ഇന്ത്യ തലത്തിൽ 158-ാം റാങ്ക് നേടിയ ഫിദ നിഷാദിന്റെ ലഹരിവിരുദ്ധ പ്രതിജ്ഞ ആയിരുന്നു. അവരുടെ പ്രതിജ്ഞപാഠനം വിദ്യാർത്ഥി കളിലും അധ്യാപകരിലുമെല്ലാം പ്രതിബദ്ധതയുടെ ശക്തമായ പ്രതിധ്വനിയാണ് ഉണർത്തിയത്.
അസിസ്റ്റന്റ് എക്സൈസ് ഇൻസ്‌പെക്ടർ ഷംഷുദ്ധീൻ, ഹെഡ് മിസ്ട്രസ് ശ്രീമതി ഷീജറാണി, പിടിഎ പ്രസിഡന്റ് നാസർ, ശ്രീമതി ശാന്തി ടീച്ചർ, ഹാമിൽ റാഫേൽ, സഞ്ജു, നൈസാം, റാഫി ആലായി, തൻസീർ, അസീം, ഷാജി തുടങ്ങിയവർ സദസ്സിൽ പ്രസംഗിച്ചു.
വിദ്യാർത്ഥികളെയും രക്ഷിതാക്കളെയും ഒരുപോലെ ഉണർത്തിയ ഈ പരിപാടി, ലഹരിക്കെതിരെയുള്ള സാമൂഹിക പ്രതിബദ്ധത യുടെ ശക്തമായ ഉദാഹരണമായി മാറി.
